ജീവനക്കാരെ സ്ഥലം മാറ്റിയ നടപടി പുനഃപരിശോധിക്കണം

തിരുവനന്തപുരം: പത്രപ്രവർത്തക പെൻഷൻ പദ്ധതിയുമായി ബന്ധപ്പെട്ട കാര്യങ്ങൾ ചെയ്യുന്ന സെക്രട്ടേറിയറ്റിലെ പ്രത്യേക സെക്‌ഷനിലെ ജീവനക്കാരെ സ്ഥലം മാറ്റിയ നടപടി പുനഃപരിശോധിക്കണമെന്ന് കേരള പത്രപ്രവർത്തക യൂണിയൻ ആവശ്യപ്പെട്ടു. മാദ്ധ്യമ പ്രവർത്തകരുടെയും ജീവനക്കാരുടേതുമടക്കം ആയിരത്തോളം അപേക്ഷകളാണ് തീർപ്പാകാതെ കിടക്കുന്നതെന്നും സർക്കാർ സത്വര നടപടികൾ സ്വീകരിക്കണമെന്നും യൂണിയൻ സംസ്ഥാന പ്രസിഡന്റ് കെ.പി.റെജിയും സെക്രട്ടറി ഇ.എസ്. സുഭാഷും മുഖ്യമന്ത്രിക്ക് നൽകിയ കത്തിൽ ആവശ്യപ്പെട്ടു.