ചേർത്തല:ചേർത്തലയിൽ മയക്കുമരുന്നുമായി രണ്ടു യുവാക്കൾ പിടിയിൽ.ബാംഗ്ലൂരിൽ നിന്നും എത്തിച്ച 11ഗ്രാം എം.ഡി.എം.എയുമായാണ് ഇവർ പിടിയിലായത്.ചേർത്തല വാരണം ചുള്ളവേലി രോഹിത്(അപ്പു-19),എസ്.എൽ.പുരം അഖിൽ ഭവനത്തിൽ അഖിൽ(അപ്പു-20)എന്നിവരെയാണ് ചേർത്തല പൊലീസും ജില്ലാ പൊലീസ് ചീഫിന്റെ നേതൃത്വത്തിലുള്ള ലഹരിവിരുദ്ധ സേനയും ചേർന്നു പിടികൂടിയത്.
ബാംഗ്ലൂരിൽ നിന്നും ട്രെയിനിൽ എത്തിച്ചപ്പോഴാണ് ചേർത്തല റെയിൽവേ സ്‌​റ്റേഷൻ പരിസരത്തുവെച്ച് ഇവർ പിടിയിലായത്. ജില്ലയിലെ വിദ്യാർത്ഥികളെ ലക്ഷ്യംവെച്ച് മ​റ്റു സംസ്ഥാനങ്ങളിൽ നിന്നും മയക്കുമരുന്ന് എത്തിക്കുന്നതായി ജില്ലാ പൊലീസ് മേധാവിക്കു ലഭിച്ച വിവരത്തെ തുടർന്നായിരുന്നു പരിശോധന.ക്രിസ്​റ്റൽ രൂപത്തിലുള്ള മയക്കുമരുന്നാണ് ഇവരിൽ നിന്നും കണ്ടെടുത്തത്.
ഡിവൈ.എസ്.പി എം.കെ.ബിനുകുമാറിന്റെ നേതൃത്വത്തിലുള്ള ജില്ലാ ലഹരിവിരുദ്ധ സേനയും ചേർത്തല ഡിവൈ.എസ്.പി ടി.ബി.വിജയന്റെയും സ്‌​റ്റേഷൻ ഓഫീസർ വിനോദ്കുമാറിന്റെയും നേതൃത്വത്തിലുള്ള സംഘവും ചേർന്നാണ് ഇവരെ പിടികൂടിയത്.ബാംഗ്ലൂരിൽ നിന്നും ഗ്രാമിന് 1000 രൂപക്കു വാങ്ങി ജില്ലയിൽ 2000 മുതൽ 5000രൂപാവരെ വിലക്കാണ് ഇവർ മയക്കുമരുന്നു വി​റ്റിരുന്നത്.മാസത്തിൽ രണ്ടും മൂന്നും തവണ ഇവർ ബാംഗ്ലൂരിൽനിന്നും മയക്കുമരുന്ന് എത്തിച്ചിരുന്നതായും വിവരം ലഭിച്ചിട്ടുണ്ട്.കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.