SignIn
Kerala Kaumudi Online
Thursday, 30 June 2022 10.54 PM IST

പുട്ടിന്റെ മകൾ രഹസ്യകാമുകനെ കാണാൻ പറന്നത് 50 തവണ; അതും ചാർട്ടേഡ് വിമാനങ്ങളിൽ അംഗരക്ഷകർക്കൊപ്പം; റിപ്പോർട്ട് പുറത്ത്

putin

മോസ്കോ: പുട്ടിന്റെ മകളും സെലൻസ്കിയും തമ്മിലുള്ള രഹസ്യബന്ധമാണ് ഇപ്പോൾ സോഷ്യൽ മീഡിയയിലെ ചർച്ച. ഏതാണ്ട് 50 തവണയാണ് പുട്ടിന്റെ മകൾ കാതറിന ടികനോവ മ്യൂണിക്കിലേക്ക് സെലൻസ്കിയെ കാണാനായി പറന്നത്. യുക്രെയിൻ പ്രസിഡന്റ് വ്ളോദിമർ സെലൻസ്കിയാണ് നായകനെന്ന് കരുതിയെങ്കിൽ തെറ്റി. ഈ കക്ഷി അതല്ല.

മ്യൂണിക്കിലെ അറിയപ്പെടുന്ന ബാലേ നർത്തകനായ ഇഗോർ സെലൻസ്കിയാണ് പുട്ടിന്റെ മകളുടെ കാമുകൻ. 2018- 19 കാലഘട്ടത്തിലാണ് കാതറിൻ സെലൻസ്കിയെ കാണാൻ ഏറ്റവുമധികം തവണ യാത്ര ചെയ്തിരിക്കുന്നതെങ്കിലും വിഷയം ചർച്ചയാകുന്നത് ഇപ്പോഴാണെന്ന് മാത്രം.

പുട്ടിന്റെ അടുത്ത സുഹൃത്തായ നിക്കോളായ് ഷാമലോവിന്റെ ഇളയമകൻ കീറിൽ ഷാമലോവിനെയാണ് കാതറിന വിവാഹം ചെയ്തിരിക്കുന്നത്. 2013ൽ കെങ്കേമമായിട്ടായിരുന്നു ഇവരുടെ വിവാഹം കഴിഞ്ഞത്.

സംഗതി ഇങ്ങനെയൊക്കെയാണെങ്കിലും സെലൻസ്കിയുമായുള്ള ബന്ധത്തിൽ കാതറിനയ്‌ക്ക് ഒരു കുട്ടിയുള്ളതായും റിപ്പോർട്ടുകളുണ്ട്. യുക്രെയിനുമായുള്ള യുദ്ധസമയത്ത് കാതറിന നിരന്തരമായി യൂറോപ്പ് സന്ദർശിച്ചിരുന്നത് മാദ്ധ്യമങ്ങളിൽ വാർത്തയായിരുന്നു.

റഷ്യൻ സർക്കാരിന്റെ ചാർട്ടേഡ് വിമാനങ്ങളിലായിരുന്നു കാതറിന്റെ യാത്രകൾ അധികവും. കൂട്ടിന് അംഗരക്ഷരുമുണ്ടാകും. മോസ്‌കോയിൽ നിന്നും മ്യൂണിക്കിലേക്ക് പറക്കുന്ന ചാർട്ടേ‌ഡ് വിമാനങ്ങളുടെ യാത്രാവിവരങ്ങൾ ശേഖരിച്ചതിൽ നിന്നുമാണ് സംഗതി പുറത്തറിയുന്നത്. യൂറോപ്യൻ മാദ്ധ്യമങ്ങളിൽ ഇപ്പോഴും ഇത് ചൂടുള്ള വാർത്തയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, EUROPE, EUROPE NEWS, EUROPE, PUTIN, ZELENSKY
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.