ചേർത്തല: കഞ്ഞിക്കുഴി ഗ്രാമ പഞ്ചായത്തിലെ അംഗനവാടികളുടെ അടിസ്ഥാന സൗകര്യവികസനത്തിന് ജില്ലാ- ബ്ലോക്കുപഞ്ചായത്തുകളുടെയും വനിതാ ശിശു വികസന വകുപ്പിന്റെയും സഹായത്തോടെ വൈവിദ്ധ്യമാർന്ന പരിപാടികൾക്ക് തുടക്കമായി. നവീകരിച്ച ഒൻപതാം വാർഡിലെ 37-ാം നമ്പർ അംഗനവാടിയുടെ ഉദ്ഘാടനം ജില്ലാ പഞ്ചായത്ത് മുൻ പ്രസിഡന്റ് ആർ. നാസർ നിർവഹിച്ചു. ഗ്രാമപഞ്ചായത്ത് പ്രസിഡന്റ് ഗീതാ കാർത്തികേയൻ അദ്ധ്യക്ഷത വഹിച്ചു.
വൈസ് പ്രസിഡന്റ് അഡ്വ.എം.സന്തോഷ് കുമാർ,ബിജി അനിൽകുമാർ,വി.ഉത്തമൻ,ജ്യോതി മോൾ,അനില ശശിധരൻ,സി.കെ.ശോഭനൻ ,ടി.ടി.ജഗദീശൻ,സൂര്യമോൾ,എത്സമ്മ , ജോയിഎന്നിവർ സംസാരിച്ചു. വിവിധ വർണ്ണങ്ങളിലുള്ള മനോഹരങ്ങളായ ചിത്രങ്ങളാൽ ആകർഷകമാണ് അംഗനവാടികളുടെ ചുവരുകൾ. ആധുനിക കളിക്കോപ്പുകളും പഠനോപകരണങ്ങളും കുട്ടികളെ ആകർഷിക്കുന്നു.രണ്ടു ലക്ഷം രൂപയാണ് മുടക്കിയത്. ആഴ്ചയിൽ അംഗനവാടി കുട്ടികൾക്കായി നൽകുന്ന തേൻ വിതരണ ഉദ്ഘാടനവും നടന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |