ന്യൂഡൽഹി: 105.33 മണിക്കൂർ കൊണ്ട് മഹാരാഷ്ട്രയിൽ 75 കിലോമീറ്റർ റോഡ് പണിത് ദേശീയ പാത അതോറിട്ടി (എൻ.എച്ച്.എ.ഐ) ഗിന്നസ് ലോക റെക്കാഡിട്ടു. അമരാവതി–അകോല റോഡാണ് നിശ്ചയിച്ച സമയത്തിന് (108 മണിക്കൂർ) ഒന്നര മണിക്കൂർ മുമ്പ് പൂർത്തിയാക്കിയത്.
സാധാരണഗതിയിൽ ആറു മാസമെടുക്കേണ്ട നിർമ്മാണം പൂർത്തിയാക്കാൻ 5 ദിവസം മാത്രമാണെടുത്തത്. എൻ.എച്ച്.എ.ഐയുടെ 720 ജീവനക്കാരാണ് അഹോരാത്രം അദ്ധ്വാനിച്ചത്. ഗതാഗത മന്ത്രി നിതിൻ ഗഡ്കരി എൻ.എച്ച്.എ.ഐ അഭിനന്ദിച്ച് ട്വീറ്റ് ചെയ്തു.
അമരാവതി – അകോല റോഡ്
നീളം -75കി.മീ
വീതി- 9 മീറ്റർ
നിർമ്മാണം : രാജ്പുത് ഇൻഫ്രാകോൺ കമ്പനി
പണിതുടങ്ങിയത് :
ജൂൺ 3, രാവിലെ 7.27ന്
റോഡ് പൂർത്തിയായത്
ജൂൺ 7 വൈകിട്ട് 5ന്
ജോലി ചെയ്തത്:
3 ഷിഫ്റ്റിൽ 1520 പേർ
(800-എൻജിനിയർമാർ, സർവേയർമാർ, സുരക്ഷാ ഉദ്യോഗസ്ഥർ, 720 തൊഴിലാളികൾ)
നിർമ്മാണത്തിന് ഉപയോഗിച്ചത്: 34,000 ടൺ ബിറ്റുമിൻ
4 മിക്സിങ് പ്ലാന്റുകൾ പൂർണ്ണസമയം
മറികടന്നത് ഖത്തറിന്റെ റെക്കാഡ്: ദോഹയിൽ 25.275 കി.മീ 4.5 മീറ്റർ വീതിയിൽ അഷ്ഗൽ 10 ദിവസം കൊണ്ട് പണിത റോഡ്
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |