പയ്യന്നൂരിൽ സി.പി.എം ഫണ്ട് വെട്ടിച്ചു : കെ.സുധാകരൻ

കണ്ണുർ:പയ്യന്നൂരിലെ സി.പി.എം ഫണ്ട് വിവാദം പുറത്തായത് ഏരിയാ സെക്രട്ടറി പ്രതിഷേധിച്ചതു കൊണ്ടു മാത്രമാണെന്ന് കെ.പി.സി.സി പ്രസിഡന്റ് കെ.സുധാകരൻ മാദ്ധ്യമങ്ങളോടു പറഞ്ഞു. സാമ്പത്തിക തട്ടിപ്പ് നടന്നുവെന്നത് യാഥാർത്ഥ്യമാണ്.. ഫണ്ട് തട്ടിപ്പ് സി.പി.എമ്മിൽ പതിവാണ്.

പയ്യന്നൂരിലെ കെ.എസ് യു നേതാവ് സജിത്ത് ലാൽ രക്തസാക്ഷി ഫണ്ട് കോൺഗ്രസ് മുക്കിയെന്ന സി.പി.എം ജില്ലാ സെക്രട്ടറി എം.വി ജയരാജന്റെ ആരോപണം സുധാകരൻ അവഗണിച്ചു. എം.വി .ജയരാജനും ഇ .പി ജയരാജനുമൊക്കെ ആരെങ്കിലും മറുപടി പറയുമോയെന്നായിരുന്നു സുധാകരന്റെ മറുചോദ്യം .അങ്ങനെ പറഞ്ഞാൽ അതിനു മാത്രമേ സമയം കാണൂ എന്നും അദ്ദേഹം പറഞ്ഞു