ഇനി രാജ്യമൊട്ടാകെ ഡി റ്റി എച്ച് സേവനങ്ങൾ; ടാറ്റ സ്‌കൈയ്ക്ക് വേണ്ടി ജിസാറ്റ്-24 ഉപഗ്രഹം വിജയകരമായി വിക്ഷേപിച്ചു

ന്യൂഡൽഹി: ന്യൂ സ്‌പേസ് ഇന്ത്യ ലിമിറ്റഡിന് (എൻ എസ് ഐ എൽ) വേണ്ടി ഐഎസ്ആർഓ വികസിപ്പിച്ചെടുത്ത ജിസാറ്റ്-24 ഉപഗ്രഹം ഫ്രഞ്ച് കമ്പനിയായ എരിയൻസ്പേസ് വിജയകരമായി വിക്ഷേപിച്ചു. ദക്ഷിണ അമേരിക്കയിലെ കൗറൗവിൽ നിന്നാണ് വിക്ഷേപണം നടത്തിയത്.

4180 കിലോഗ്രാം ഭാരമുള്ള 24 കു- ബാൻഡ് ആശയവിനിമയ ഉപഗ്രഹമാണ് ജിസാറ്റ്-24. ഡിറ്റിഎച്ച് ആപ്ളിക്കേഷന്റെ ഉപയോഗങ്ങൾ രാജ്യമൊട്ടാകെ ലഭ്യമാവുന്ന രീതിയിലാണ് ഉപഗ്രഹത്തിന്റെ നിർമാണം.

എൻ എസ് ഐ എൽ ഏറ്റെടുത്ത ആദ്യത്തെ "ഡിമാൻഡ് ഡ്രൈവ്" ആശയവിനിമയ ഉപഗ്രഹ ദൗത്യമായിരുന്നു ജിസാറ്റ്-24. ബഹിരാകാശ വകുപ്പിന് കീഴിലെ കേന്ദ്ര സർക്കാർ കമ്പനിയായ എൻ എസ് ഐ എൽ ഉപഗ്രഹ സേവന ദാതാവായ ടാറ്റ പ്ലേയ്ക്ക് മുഴുവൻ ഉപഗ്രഹ ശേഷിയും പാട്ടത്തിന് നൽകിയിരിക്കുകയാണ്.