അമ്പലപ്പുഴ : ജനകീയ സമരങ്ങളോട് പുച്ഛത്തോടെയുള്ള സമീപനമാണന്ന് ഇടതു സർക്കാർ പുലർത്തുന്നതെന്ന് ഗാന്ധിയൻ ദർശന വേദി സംസ്ഥാന ചെയർമാൻ ബേബി പാറക്കാടൻ പറഞ്ഞു. തോട്ടപ്പള്ളി കരിമണൽ ഖനന വിരുദ്ധ സമിതിയുടെ നേതൃത്വത്തിൽ നടക്കുന്ന 390 - മത് ദിന സമരപരിപാടികൾ ഉദ്ഘാടനം ചെയ്യുകയായിരുന്നു അദ്ദേഹം.യോഗത്തിൽ എസ്.സുരേഷ് കുമാർ അദ്ധ്യക്ഷത വഹിച്ചു.ബി.ഭദ്രൻ ,എം.ഹരിദാസ് ,ജി.ചന്ദ്രൻ , എം.രമണൻ , ആനന്ദവല്ലി ,ഭാർഗവൻ എന്നിവർ സംസാരിച്ചു. തുടർന്ന് സമര സത്യാഗ്രഹിയായ എസ്.രമണനെ ഹാരമണിയിച്ച് ഗാന്ധിയൻ ദർശന വേദി പിന്തുണ പ്രഖ്യാപിച്ചു.