SignIn
Kerala Kaumudi Online
Tuesday, 27 September 2022 10.21 AM IST

സ്വാതന്ത്ര്യസമര സേനാനി വി. ഭാസ്‌കരൻ അന്തരിച്ചു

bhaskaran-97

കൊല്ലം: സ്വാതന്ത്ര്യസമര സേനാനിയും സി.പി.ഐ നേതാവുമായിരുന്ന ഉളിയക്കോവിൽ ജനകീയ നഗർ 20 മിക്കിഭവനത്തിൽ ജനയുഗം വി. ഭാസ്‌കരൻ (97) അന്തരിച്ചു. കേന്ദ്ര സംസ്ഥാന സർക്കാരുകളുടെ സ്വാതന്ത്ര്യസരമ പെൻഷൻ ജില്ലയിൽ ലഭിക്കുന്ന ഏക വ്യക്തിയായിരുന്നു ജനയുഗത്തിലെ ജീവനക്കാരനായിരുന്ന ഭാസ്കരൻ. ക്വിറ്റ് ഇന്ത്യ സമരത്തിൽ പങ്കെടുത്ത അദ്ദേഹം പിന്നീട് കമ്മ്യൂണിസ്റ്റ് പാർട്ടിയിൽ ചേർന്നു. കശുഅണ്ടി തൊഴിലാളികളുടെ നിരവധി സമരങ്ങളിൽ പങ്കെടുത്തിട്ടുണ്ട്. പൊലീസിന്റെ ക്രൂരമർദ്ദനത്തിന് ഇരയായ അദ്ദേഹം ജയിൽവാസവും അനുഭവിച്ചിട്ടുണ്ട്. ക്വിറ്റ് ഇന്ത്യാ സമര വാർഷികത്തോടനുബന്ധിച്ച് രാഷ്ട്രപതിയുടെ ആദരവ് ഏറ്റുവാങ്ങിയിരുന്നു. ഉളിയക്കോവിലിലെ വീട്ടിൽ പൊതുദർശനത്തിനുവച്ച ഭൗതികശരീരത്തിൽ സി.പി.ഐ ജില്ലാ സെക്രട്ടറി മുല്ലക്കര രത്‌നാകരൻ, മന്ത്രി ജെ. ചിഞ്ചുറാണി, അഡ്വ. ജി. ലാലു, അഡ്വ. ആർ. രാജേന്ദ്രൻ തുടങ്ങിയവർ അന്ത്യോപചാരമർപ്പിച്ചു. ജില്ലാ കളക്ടർ അഫ്‌സാന പർവീൺ സർക്കാരിനുവേണ്ടി റീത്ത് സമർപ്പിച്ചു. ഔദ്യോഗിക ബഹുമതിയോടെ മൃതദേഹം പോളയത്തോട് ശ്മശാനത്തിൽ സംസ്കരിച്ചു. ഭാര്യ: അംബുജാക്ഷി. മക്കൾ: വിജയമ്മ, ഉഷ, രാഗിണി (ജനയുഗം), മോളി, ജയകുമാർ, ഗോപകുമാർ. മരുമക്കൾ: പരേതനായ ഭാസ്‌കരൻ, തിലകൻ, സുരേഷ്ബാബു, ദേവരാജൻ, ഗീത, ബീന.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: OBITUARY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.