SignIn
Kerala Kaumudi Online
Thursday, 29 September 2022 7.15 PM IST

സപ്ലൈകോയുടെ ഓണക്കിറ്റിൽ ഇക്കുറിയും കുടുംബശ്രീ ചിപ്സ്

kudumbasree

കൊച്ചി: ഓണസദ്യ കൂടുതൽ കെങ്കേമമാക്കാൻ സപ്ളൈകോ കിറ്റുകളിൽ കുടുംബശ്രീയുടെ ചിപ്‌സും ശർക്കരവരട്ടിയും ഇക്കുറിയുമുണ്ടാകും. ഇതിനായി 12.89 കോടി രൂപയുടെ ഓർഡർ കുടുംബശ്രീക്ക് ലഭിച്ചു. കുടുംബശ്രീയുടെ 307 സംരംഭക യൂണിറ്റുകളിലാണ് ഉത്പാദനം. കോഴിക്കോട്ടെയും മലപ്പുറത്തെയും സപ്ലൈകോ ഗോഡൗണുകളിലേക്ക് വിതരണവും ആരംഭിച്ചു.

ഓണത്തിന് റേഷൻകടകൾ വഴി സർക്കാർ നൽകുന്ന സൗജന്യകിറ്റിനൊപ്പമാണ് കുടുംബശ്രീ ഉത്‌പന്നങ്ങളുമുണ്ടാവുക. രണ്ടരലക്ഷത്തിലേറെയുള്ള കുടുംബശ്രീ വനിതാ കർഷകസംഘങ്ങളിൽ (ജോയിന്റ് ലയബലിറ്റി ഗ്രൂപ്പ് ) നിന്നും പൊതുവിപണിയിൽ നിന്നുമാണ് നേന്ത്രക്കായ സംഭരിക്കുന്നത്. 100 ഗ്രാം വീതമുള്ള 42.63 ലക്ഷം പായ്ക്കറ്റുകളാണ് സപ്ലൈകോയ്ക്ക് നൽകേണ്ടത്. ജി.എസ്.ടി ഉൾപ്പെടെ ഒരു പായ്ക്കറ്റിന് 30.24 രൂപ സപ്ലൈകോ നൽകും. ഇതിൽ 27 രൂപ സംരംഭക യൂണിറ്റുകൾക്കുള്ളതാണ്.

ഈമാസം 20നകം കരാർ പ്രകാരമുള്ള അളവിൽ വിതരണം പൂർത്തിയാക്കും. നിലവിലെ സാഹചര്യം മുൻനിറുത്തി കൂടുതൽ ഓർഡർ ലഭിക്കുമെന്നാണ് പ്രതീക്ഷയെന്ന് കുടുംബശ്രീ മാർക്കറ്റിംഗ് വിഭാഗം അധികൃതർ 'കേരളകൗമുദി"യോട് പറഞ്ഞു.

കഴിഞ്ഞവർഷം ചിപ്‌സും ശർക്കരവരട്ടിയും ഉൾപ്പെടെ 41.17ലക്ഷം പായ്ക്കറ്റിനുള്ള ഓർഡറാണ് ലഭിച്ചത്. അന്ന് 273 യൂണിറ്റുകളിലെ സംരംഭകർക്ക് 11.99 കോടി രൂപയുടെ വിറ്റുവരവും ലഭിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, KUDUMBASRE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.