കോഴിക്കോട്​: പക്ഷാഘാതത്തിനെതിരെ ബോധവത്ക്കരണം നടത്തുന്ന സംഘടനയായ നിഖില ഫൗണ്ടേഷൻ ചാരിറ്റബിൾ സൊസൈറ്റിയുടെ നേതൃത്വത്തിൽ എഡ്യൂക്കേഷൻ എക്സലൻസ് അവാർഡുകൾ വിതരണം ചെയ്തു. ജെ.ഡി.ടി ഇസ്ലാം ഓർഫനേജ് ആൻഡ് എഡ്യൂക്കേഷണൽ ഇൻസ്റ്റിറ്റ്യൂട്ട് സെക്രട്ടറി​ ഡോ.പി.സി അൻവർ ഉദ്ഘാടനം ചെയ്തു. ​ മുഹമ്മദ്‌ നജീബ് മുഖ്യപ്രഭാഷണം നടത്തി. ജെ.ഡി.ടി പ്രിൻസിപ്പൽ മാനുവൽ ജോർജ് അ​ദ്ധ്യ​ക്ഷനായി. ആദിത്യ എ.എൻ ഡോ.അൻവറിൽ നിന്ന് അവാർഡ് ഏറ്റുവാങ്ങി. ഷാജഹാൻ നടുവട്ടം,​ ശുഭ ആർ.എസ്‌, ​ ടി.പി.റുക്‌സാന എന്നിവർ പ്രസംഗിച്ചു. സിവിൽ എച്ച്.ഒ ഡി ഷബാന മൻസൂർ സ്വാഗതവും ഫൗണ്ടേഷൻ സെക്രട്ടറി പ്രസാദ് കണക്കശ്ശേരി നന്ദിയും പറഞ്ഞു.