തിരുവനന്തപുരം: സംസ്ഥാനത്ത് എല്ലാ ജില്ലകളിലും കരിയർ ഡെവലപ്‌മെന്റ് സെന്ററുകൾ സ്ഥാപിക്കുമെന്ന് മന്ത്രി വി. ശിവൻകുട്ടി. വ്യാവസായിക പരിശീലന വകുപ്പ്, എംപ്ലോയ്‌മെന്റ് വകുപ്പ് ഡയറക്ടറേറ്റ് ഉദ്യോഗസ്ഥരുടെ യോഗത്തിൽ സംസാരിക്കുകയായിരുന്നു മന്ത്രി. എല്ലാ ജില്ലാ എംപ്ലോയ്‌മെന്റ് എക്‌സ്‌ചേഞ്ചുകളെയും മാതൃകാ സ്ഥാപനമാക്കും. എംപ്ലോയ്‌മെന്റ് വകുപ്പിന്റെ പ്രവർത്തനം കരിയർ ഗൈഡൻസ് മേഖലയിലേക്കും വ്യാപിപ്പിക്കും. സംസ്ഥാനത്തെ ആദ്യ കരിയർ നയം ഉടൻ പ്രഖ്യാപിക്കും.

ഐ.ടി.ഐ പഠനം പൂർത്തീകരിച്ച് ഇറങ്ങുന്നവർക്ക് നൈപുണ്യ പരിശീലനവും ഭാഷാപഠന സഹായവും നൽകും. കൂടുതൽ ഐ.ടി.ഐകളിൽ ഉത്പാദന കേന്ദ്രങ്ങൾ സ്ഥാപിക്കുകയും കോഴ്‌സുകളി​ലെ സി​ലബസ് പരി​ഷ്‌കരി​ക്കുകയും ചെയ്യുമെന്നും മന്ത്രി​ പറഞ്ഞു.