വേറിട്ട ശബ്ദവും ആലാപന ശൈലിയും കൊണ്ട് ശ്രദ്ധേയയായ ഗായികയാണ് സയനോര. തന്റെ വിശേഷങ്ങളെല്ലാം സയനോര ആരാധകർക്കായി പങ്കുവയ്ക്കാറുണ്ട്.

അഞ്ജലി മേനോൻ സംവിധാനം ചെയ്ത വണ്ടർ വുമൺ എന്ന ചിത്രത്തിന്റെ പ്രമോഷന്റെ ഭാ​ഗമായി സയനോര നൽകിയ മറുപടി ശ്രദ്ധ നേടുന്നു. ആ​ദ്യമായി ​ഗർഭിണിയായപ്പോഴുള്ള സംഭവങ്ങൾ മറക്കില്ല എന്നാണ് സയനോര പറഞ്ഞത്. ''കൊച്ചിയിൽ ഒരു ഷോയ്ക്ക് പോയതായിരുന്നു .വരും വഴി ഒരുപാട് ഛർദ്ദിച്ചതുകണ്ട് ആശുപത്രിയിൽ പോയി. ഒരു ലേഡി ഡോക്ടർ വന്നു ചോദിച്ചു സയനോരയ്ക്ക് ബോയ്ഫ്രണ്ടുണ്ടോയെന്ന്. ഇല്ലെന്ന് മറുപടി പറഞ്ഞപ്പോഴേക്കും ഡോക്ടർക്ക് ടെൻഷൻ.കാരണം ആ ഡോക്ടർക്ക് അറിയില്ലായിരുന്നു ഞാൻ‌ കല്യാണം കഴിച്ചതാണെന്ന്. ടെൻഷൻ കണ്ടപ്പോൾ ഞാൻ ഡോക്ടറോട് പറഞ്ഞു ഞാൻ വിവാഹം കഴിച്ചതാണെന്ന്. ശേഷം അവർ ​ഗർഭിണിയാണോയെന്നത് ഉറപ്പിക്കാൻ രക്തം എടുത്തു. അതിന്റെ റിസൾട്ടിന് കാത്തുനിൽക്കാതെ ഞാൻ പരിപാടിക്ക് പോയി. ഷോയ്ക്ക് വേണ്ടി തയ്യാറെടുക്കുമ്പോൾ ഡോക്ടർ വിളിച്ച് ആശംസ അറിയിച്ചിട്ട് ​ഗർഭിണിയാണെന്ന് പറഞ്ഞത്. അതുകേട്ടതും അമ്മേ... എന്നൊരു വിളിയായിരുന്നു ഞാൻ. കരയണോ ചിരിക്കണോയെന്ന് അറിയാത്തൊരു അവസ്ഥയിലായിരുന്നു അത്''-സയനോരയുടെ വാക്കുകൾ. രണ്ടാമതൊരു കുട്ടി കൂടി വേണമെന്ന് ആ​ഗ്രഹമുണ്ടെന്ന് മോളോട് പറഞ്ഞപ്പോൾ പറ്റില്ല അവൾക്ക് അത് താൽപര്യമില്ലെന്നാണ് പറഞ്ഞത് എന്നും സയനോര .