SignIn
Kerala Kaumudi Online
Thursday, 02 February 2023 7.18 AM IST

ജിദ്ദ-കോഴിക്കോട് വിമാനം നെടുമ്പാശേരിയിൽ അടിയന്തര ലാൻഡിംഗ് നടത്തി, ഗവർണർ സഞ്ചരിച്ച വിമാനമടക്കം വഴിതിരിച്ച് വിട്ടു

kozhi-airport

കൊച്ചി: ജിദ്ദയിൽ നിന്നും കോഴിക്കോട്ടേയ്ക്ക് പുറപ്പെട്ട സ്പൈസ് ജെറ്റ് വിമാനം നെടുമ്പാശേരി അന്താരാഷ്ട്ര വിമാനത്താവളത്തിൽ അടിയന്തര ലാൻഡിംഗ് നടത്തി. 197 യാത്രക്കാരുള്ള എസ്ജി 036 വിമാനമാണ് സാങ്കേതിക തകരാറിനെ തുടർന്ന് ദിശ മാറ്റി കൊച്ചിയിൽ ലാൻഡ് ചെയ്തത്. വിമാനം ലാൻഡ് ചെയ്യുന്നതിനെ തുടർന്ന് നെടുമ്പാശേരിയിൽ ജാഗ്രതാ നിർദേശം നൽകുകയും മറ്റ് വിമാനങ്ങൾ വഴി തിരിച്ച് വിടുകയും ചെയ്തിരുന്നു. മൂന്ന് തവണയായുള്ള പരിശ്രമങ്ങൾക്കൊടുവിലാണ് വിമാനം ലാൻഡ് ചെയ്യാൻ സാധിച്ചത്.

ഹൈഡ്രോളിക് സംവിധാനത്തിലെ തകരാർ മൂലം വെള്ളിയാഴ്ച ആറ് മണിയോടെയാണ് അടിയന്തര ലാൻഡിംഗിനെക്കുറിച്ച് നെടുമ്പാശേരി വിമാനത്താവളത്തിൽ അറിയിപ്പ് ലഭിക്കുന്നത്. തുടർന്ന് വിമാനത്താവളത്തിൽ ഹൈ അലർട്ട് പ്രഖ്യാപിക്കുകയും മറ്റ് വിമാനങ്ങളുടെ ലാൻഡിംഗ് മാറ്റി വെയ്ക്കുകയും ചെയ്തു. കേരള ഗവർണർ ആരിഫ് മുഹമ്മദ് ഖാൻ സഞ്ചരിച്ച വിമാനമടക്കം ഇത്തരത്തിൽ വഴി തിരിച്ച് വിട്ടിരുന്നു. ഒടുവിൽ 7.19 ഓടെ വിമാനം സുരക്ഷിതമായി ലാൻഡ് ചെയ്തു. നേരത്തെ കോഴിക്കോട് തന്നെ വിമാനമിറക്കാൻ ശ്രമിച്ചിരുന്നെങ്കിലും 'ടേബിൾ ടോപ്പ്' വിമാനതത്താവളമായതിനാൽ അപകട സാദ്ധ്യത കണക്കിലെടുത്ത് കൊച്ചിയിലേയ്ക്ക് തിരിക്കുകയായിരുന്നു. വിമാനം ലാൻഡ് ചെയ്തതിന് പിന്നാലെ വിമാനത്താവളത്തിലെ ഹൈ അലർട്ട് പിൻവലിച്ചു. 108 മുതിർന്നവരും മൂന്ന് കുട്ടികളും രണ്ട് പൈലറ്റുമാരും കൂടാതെ നാല് ക്രൂ അംഗങ്ങളുമാണ് ബോയിംഗ് 738 വിമാനത്തിലുണ്ടായിരുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA, KOCHI, EMERGENCY, LANDING, JIDHA, SOUDI, KOZHIKODE, AIRPORT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.