ചാൻസലറുടെ ഓഫീസ് സർവകലാശാലയിൽ

തിരുവനന്തപുരം: സർവകലാശാല നിയമഭേദഗതി പ്രകാരം ചാൻസലറുടെ ഓഫീസ് സർവകലാശാല ആസ്ഥാനത്തായിരിക്കും. ഓഫീസിലേക്കുള്ള ജീവനക്കാരെ സർവകലാശാല നൽകണം.

മറ്റ് വ്യവസ്ഥകൾ

■ ചാൻസലർക്ക് സർക്കാറിന് രേഖാമൂലം അറിയിപ്പ് നൽകി പദവി രാജി വയ്ക്കാം

■സന്മാർഗിക ദൂഷ്യം ഉൾപ്പെടുന്ന കുറ്റത്തിനോ കോടതി തടവ് ശിക്ഷക്ക് വിധിക്കുന്ന കുറ്റത്തിനോ ചാൻസലറെ സർക്കാറിന് നീക്കം ചെയ്യാം.

■ഗുരുതര പെരുമാറ്റ ദൂഷ്യം ഉൾപ്പെടെയുള്ള ആരോപണങ്ങളിലോ മറ്റേതെങ്കിലും മതിയായ കാരണങ്ങളിൻമേലോ ഉത്തരവിലൂടെ ചാൻസലറെ സർക്കാറിന് പദവിയിൽ നിന്ന് നീക്കാം.

■ആരോപണങ്ങൾ സുപ്രീംകോടതി/ ഹൈക്കോടതി ജഡ്ജി ആയിരുന്നയാൾ അന്വേഷണം നടത്തി തെളിയിക്കുന്ന സാഹചര്യത്തിലാണ് നടപടിക്ക് വ്യവസ്ഥ. ചാൻസലർക്ക് പറയാനുള്ളത് കേൾക്കണം.
■വി.സി പദവിയിൽ താൽക്കാലിക ഒഴിവുണ്ടായാൽ ചാൻസലർ പ്രോ വൈസ്ചാൻസലർക്ക് ചുമതല നൽകണം. #പി.വി.സിയുടെ അഭാവത്തിൽ മറ്റേതെങ്കിലും സർവകലാശാല വി.സിക്ക് ചുമതല നൽകണം.

■സർവകലാശാലകളുടെ സ്വഭാവമനുസരിച്ച് കാർഷികവും വെറ്ററിനറി ശാസ്ത്രം, ശാസ്ത്രം, സാങ്കേതിക ശാസ്ത്രം, വൈദ്യശാസ്ത്രം, സാമൂഹികശാസ്ത്രം, ഹ്യുമാനിറ്റീസ്, സാഹിത്യം, കല, സാംസ്‌കാരികം, നിയമം, പൊതുഭരണം എന്നിവയിൽ ഏതെങ്കിലും മേഖലയിൽ പ്രാഗത്ഭ്യമുള്ളവരാവണം.