ആലപ്പുഴ: മതിയായ രേഖകളില്ലാതെ കടത്തിയ ഒമ്പത് ലക്ഷം രൂപ വിലമതിക്കുന്ന 191.74 ഗ്രാം സ്വർണാഭരണങ്ങൾ ചരക്ക് സേവന നികുതി വകുപ്പ് ഇന്റലിജൻസ് സ്‌ക്വാഡ് അമ്പലപ്പുഴയിൽ നടത്തിയ വാഹന പരിശോധനയിൽ കണ്ടെത്തി. സ്വർണാഭരണങ്ങൾക്ക് ഇൻവോയ്‌സ് ഇല്ലാത്തതിനെത്തുടർന്ന് ജി.എസ്.ടി നിയമപ്രകാരം കേസെടുത്ത് 55,000 രൂപ പിഴ ഈടാക്കി. പിഴയടച്ചതിനെ തുടർന്ന്ആഭരണങ്ങൾ വിട്ടു നൽകി. ചരക്ക് സേവന നികുതി വകുപ്പ് ഇന്റലിജൻസ് ഡെപ്യൂട്ടി കമ്മീഷണർ വി.അജിത്തിന്റെ നിർദേശാനുസരണം സ്റ്റേറ്റ് ടാക്‌സ് ഓഫീസർ ബി. മുഹമ്മദ് ഫൈസൽ, അസി.സ്റ്റേറ്റ് ടാക്‌സ് ഓഫീസർമാരായ എ.ഇ.അഗസ്റ്റിൻ, എ.സലിം, പി.സ്മിത, ജോസഫ് ജോർജ് എന്നിവർ പരിശോധനയിൽ പങ്കെടുത്തു