തൃശൂർ: ധനലക്ഷ്‌മി ബാങ്കിന്റെ മൊത്തം ബിസിനസ് നടപ്പുവർഷം ഡിസംബർ 31 പ്രകാരം 12.82 ശതമാനം വർദ്ധിച്ച് 22,172 കോടി രൂപയിലെത്തി. മുൻവർഷത്തെ സമാനകാലത്ത് 19,653 കോടി രൂപയായിരുന്നു. മൊത്തം നിക്ഷേപം 6.78 ശതമാനം ഉയർന്ന് 12,922 കോടി രൂപയായി.

കറന്റ്-സേവിംഗ്സ് നിക്ഷേപങ്ങൾ 5.19 ശതമാനം ഉയർന്നു. മൊത്തം നിക്ഷേപത്തിൽ 32.63 ശതമാനവും കറന്റ്-സേവിംഗ്‌സ് നിക്ഷേപങ്ങളാണ്. മൊത്തം വായ്‌പകൾ 7,552 കോടി രൂപയിൽ നിന്ന് 22.48 ശതമാനം ഉയർന്ന് 9,250 കോടി രൂപയായി.

സ്വർണവായ്പകൾ 1,694 കോടി രൂപയിൽ നിന്ന് 2,084 കോടി രൂപയിലെത്തി; വർദ്ധന 23.02 ശതമാനം. വായ്‌പാ നിക്ഷേപ അനുപാതം 62.40 ശതമാനത്തിൽ നിന്ന് മെച്ചപ്പെട്ട് 71.58 ശതമാനമായി.