കരിയർ ഡവലപ്പ്മെന്റ് സെന്ററിന് ഭരണാനുമതി

പയ്യന്നൂർ : കരിയർ ഡെവലപ്‌മെന്റ് സെന്റർ തുടങ്ങാൻ തൊഴിലും നൈപുണ്യവും വകുപ്പിൽ നിന്ന് ഭരണാനുമതി ലഭിച്ചതായി ടി.ഐ. മധുസൂദനൻ എം.എൽ.എ. അറിയിച്ചു.അഭ്യസ്തവിദ്യരായ യുവജനങ്ങൾക്ക് തൊഴിൽ അധിഷ്ഠിത നൈപുണ്യ വികസനവും ഉന്നത പഠനത്തിനാവശ്യമായ സഹായങ്ങളും ലഭ്യമാക്കുക , ഇന്ത്യയിലെയും വിദേശത്തെയും പ്രമുഖ വിദ്യാഭ്യാസ

സ്ഥാപനങ്ങളിൽ പ്രവേശനം ലഭിക്കുന്നതിനാവശ്യമായ പരിശീലനങ്ങൾ, ഉപരിപഠന അഭിരുചി മനസ്സിലാക്കാൻ സൈക്കോമെട്രിക് ടെസ്റ്റുകൾ , ഉപരിപഠന മേഖലയെ പരിചയപ്പെടുത്തൽ ,

നൂതന സാങ്കേതിക വിദ്യ , വിദ്യാർത്ഥികൾക്ക് എത്തിച്ചുകൊടുക്കൽ ,വിവിധ തൊഴിൽ പരിശീലനങ്ങൾ , പി.എസ്.സി, യു.പി.എസ്.സി , ഐ.എ.എസ് , ഐ.പി.എസ്. പരീക്ഷകൾക്കാവശ്യമായ പരിശീലനങ്ങൾ തുടങ്ങിയവയാണ് സെന്റർ കൊണ്ട് ഉദ്ദേശിക്കുന്നത്. കരിയർ ഡെവലപ്‌മെന്റ് സെന്റർ തുടങ്ങുന്നതിന് ആവശ്യമായ കെട്ടിട സൗകര്യം ഒരുക്കുന്നതിന് കണ്ടങ്കാളി വികസന സമിതിയുടെ ഉടമസ്ഥതയിലുള്ള 12 സെന്റ്

ഭൂമി സംസ്ഥാന സർക്കാറിന് സൗജന്യമായി വിട്ടുനൽകാൻ നേരത്തെ തന്നെ തീരുമാനിച്ചിട്ടുണ്ട്.