സംഗീത വിരുന്ന്

ഫോർട്ടുകൊച്ചി: പ്രേംനസീറിന്റെ മുപ്പത്തിനാലാം ചരമ വാർഷികത്തോടനുബന്ധിച്ച് കൊച്ചിൻ മെഹ്ഫിൽ ഓർക്കസ്ട്രയുടെ നേതൃത്വത്തിൽ വൈ .എം .സി .എയിൽ പ്രേം നസീർ സ്മൃതിയും സംഗീത വിരുന്നും സംഘടിപ്പിച്ചു. സിനിമാ താരം കലാഭവൻ ഹനീഫ് അനുസ്മരണ യോഗം ഉദ്ഘാടനം ചെയ്തു .

ഓർക്കസ്ട്ര ചെയർമാൻ എം.ബി .ഹംസ അദ്ധ്യക്ഷത വഹിച്ചു. എം.എം.സലീം പ്രേം നസീർ അനുസ്മരണം നടത്തി. മജീഷ്യൻ ഒ.എം.എസ്. അസീസ് ,കെ .എസ് .നാസർ ,എ.എം.നൗഷാദ് എന്നിവർ സംസാരിച്ചു. തുടർന്ന് പ്രേം നസീർ ചിത്രങ്ങളിലെ ഗാനങ്ങൾ കോർത്തിണക്കി സംഗീത വിരുന്നും നടന്നു.