കൊല്ലം കെ.എസ്.ആര്‍.ടി.സി. ബസ് സ്റ്റാന്‍ഡിന്റെ നിര്‍മ്മാണ ജോലിയെപ്പറ്റി ആലോചിക്കാന്‍ ഉന്നതതല യോഗത്തിനെത്തിയ മന്ത്രി ബിന്ദുകൃഷ്ണ, ഡിപ്പോയുടെയും ഗാരേജിന്റെയും ശോചനീയാവസ്ഥ പരിശോധിക്കാൻ എത്തിയപ്പോൾ സ്വീകരിക്കുന്ന ജീവനക്കാരി. കെ.എസ്.ആര്‍.ടി.സി. മാനേജിങ് ഡയറക്ടര്‍ പ്രമോജ് ശങ്കര്‍ സമീപം.

കോട്ടയത്തെ കേരളകോൺഗ്രസ് എം സംസ്ഥാനകമ്മിറ്റി ഓഫീസിൽ നടന്ന ചടങ്ങിൽ 'കെ. എം മാണി രാഷ്ട്രീയത്തിലെ കരുണ' പുസ്തകം  കേരള കോൺഗ്രസ് - എം ചെയർമാൻ ജോസ് കെ. മാണി എം.പി.ഡോ.കുര്യാസ് കുമ്പളക്കുഴിക്ക് നൽകി പ്രകാശനംചെയ്യുന്നു.അഡ്വ.പ്രമോദ് നാരാരായണൻ,അഡ്വ.സെബാസ്റ്റ്യൻ കുളത്തുങ്കൽ,ഗ്രന്ഥകർത്താവ് ടി. ദേവപ്രസാദ്,സ്റ്റീഫൻ ജോർജ്,റോഷി അഗസ്റ്റിൻ,അഡ്വ ജോബ് മൈക്കിൾ,ബാബു ജോസഫ്,ബേബി ഉഴുത്തുവാൽ തുടങ്ങിയവർ സമീപം

നൂറ്റാണ്ടുകളുടെ പാരമ്പര്യമുള്ള തോൽപ്പാവക്കൂത്തിന്റെ വെള്ളിത്തിരയിൽ കളിവിളക്കിന്റെ വെളിച്ചത്തിൽ ലോക ഫുട്ബാൾ താരങ്ങളായ മെസിയും ക്രിസ്ത്യാനോ റൊണാൾഡോയും നെയ്മറും. തോൽപ്പാവക്കൂത്ത് കലാകാരൻ രാജീവ് പുലവരും സംഘവുമാണ് ജനപ്രിയ താരങ്ങളെ അരങ്ങിലെത്തിച്ചപ്പോൾ.

ഇരിക്കുന്ന കൊമ്പും... കോട്ടയം കഞ്ഞിക്കുഴി കളത്തിപ്പടി ഭാഗങ്ങളിൽ വഴിയോരത്ത് അപകടകരമായി നിന്നിരുന്ന മരക്കൊമ്പുകൾ മുറിച്ചുമാറ്റുന്ന തൊഴിലാളി

അറിവറിഞ്ഞ്... ഇന്ന് അന്താരാഷ്ട്ര വായനാദിനം. ഇരുപത്തിയഞ്ച് വർഷങ്ങളായി പാതയോരത്ത് പുസ്തക വില്പന നടത്തി ഉപജീവനം നടത്തുന്ന തിരുവനന്തപുരം സ്വദേശി ഹബീബ് റഹ്മാൻ കോട്ടയം നാഗമ്പടത്തെ പുസ്തക വിൽപ്പന ശാലയിൽ വായനയിൽ മുഴുകിയപ്പോൾ. തൻറെ ഗ്രന്ഥശാലയിൽ എത്തുന്ന വായനക്കാർക്ക് പുസ്തകത്തിന്റെ ഉള്ളടക്കം വിശദീകരിച്ച് നൽകി കച്ചവടം നടത്തുന്നതിനാൽ കടയിൽ കൊണ്ടുവരുന്ന പുസ്തകങ്ങൾ വായിച്ച് മനസ്സിലാക്കുക എന്നതാണ് ഹബീബിന്റെ പ്രധാന ഹോബി.

കാത്ത് കാത്ത് കനത്ത മഴ...കാലവർഷം ശക്തിപ്രാപിച്ചിരിക്കെ കോട്ടയത്ത് പെയ്ത കനത്ത മഴയിൽ നിന്നുള്ള കാഴ്ച.

ക്യാമ്പസ് കിക്ക്... ഫിഫ വേൾഡ് കപ്പിന്റെ ഭാഗമായി കോട്ടയം സി.എം.എസ് കോളേജിന് മുന്നിൽ ബ്രസീൽ താരം നെയ്മറിന്റെ കട്ട് ഔട്ട് സ്ഥാപിച്ച് ആഘോഷം പങ്കിടുന്ന വിദ്യാർത്ഥികൾ.

തലപ്പത്ത് പന്ത്... ഫിഫ ഫുട്ബാൾ ലോകകപ്പിന്റെ പ്രചരണാർത്ഥം കോട്ടയം ബേക്കർ മെമ്മോറിയൽ ഗേൾസ് എച്ച്.എസ്.എസിൽ സംഘടിപ്പിച്ച 'കിക്കോഫ്' പരിപാടിയിൽ ഫുട്ബാൾ ഹെഡ് ചെയ്യുന്ന വിദ്യാർത്ഥിനി