പാലക്കാട് മേഴ്സി കോളേജിൽ എൻ എസ് .എസ് യൂണിറ്റും പെട്രോളിയം പ്രകൃതി വാതക പകുപ്പും സംയുക്തമായി നടത്തിയ ശുചികരണ യഞ്ജവും തൈ നടലും ഉദ്ഘാടനം നിർവഹിക്കാനെത്തിയ കേന്ദ്ര സഹമന്ത്രി സുരേഷ് ഗോപി വിദ്യാർത്ഥികളെ അഭിവാദ്യം ചെയ്യുന്നു .

ട്രാൻസ്ഫോർമേഴ്സ് പരമ്പരയിലെ ജനപ്രിയ കഥാപാത്രമായ ബംബിൾബി വേഷധാരിയെ കൗതുകത്തോടെ നോക്കുന്ന കുട്ടികൾ. കോട്ടയം കൈപ്പുഴ കാറ്റിൽ നിന്നുള്ള കാഴ്ച

കോട്ടയം കെ.പി എസ് മേനോൻ ഹാളിൽ നടന്ന ക്ഷയരോഗ മുക്ത പഞ്ചായത്ത് ജില്ലാതല ജേതാക്കൾക്കുള്ള പുരസ്കാര വിതരണ സമ്മേളനം നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്യുന്നു.നഗരസഭാംഗം എസ്.ഗോപകുമാർ, ജില്ലാ മെഡിക്കൽ ഓഫിസർ ഡോ.എൻ.പ്രിയ, നഗരസഭാധ്യക്ഷൻ എം.പി.സന്തോഷ് കുമാർ,ജില്ലാ പഞ്ചായത്ത് പ്രസിഡന്റ് ജോഷി ഫിലിപ്, കെ.ഫ്രാൻസിസ് ജോർജ് എം.പി, എൽഎസ്ജിഡി ജോയിന്റ് ഡയറക്ടർ ട്രീസ ജോസ് തുടങ്ങിയവർ സമീപം

കോട്ടയം ഗിരീദീപം ബഥനി സെൻട്രൽ സ്കൂളിൽ നടന്ന കേരള യൂത്ത്ഫ്രണ്ട് (എം) ൻ്റെ നേതൃത്വത്തിൽ ഏർപ്പെടുത്തിയ കെ എം മാണി എഡ്യൂക്കേഷണൽ എക്സലൻസ് അവാർഡിൻ്റെ സംസ്ഥാനതല ഉദ്ഘാടനം കേരള കോൺഗ്രസ് (എം) ചെയർമാൻ ജോസ് കെ മാണി എംപി നിർവഹിക്കുന്നു. സംസ്ഥാന പ്രസിഡൻ്റ് സിറിയക് ചാഴികാടൻ ഗിരീദീപം ഇൻസ്റ്റിറ്റ്യൂഷൻസ് ഡയറക്ടർ റവ. ഫാദർ. മാത്യു എബ്രഹാം മോടിയിൽ മുൻ മന്ത്രി റോഷി അഗസ്റ്റിൻ, ഡോ: സ്റ്റീഫൻ ജോർജ്, അഡ്വ: ജോബ് മൈക്കിൾ, തുടങ്ങിയവർ സമീപം

തൃശൂർ ഗവൺമെന്റ് ലോ കോളേജിന്റെ സ്നേഹാദരങ്ങൾ ഏറ്റു വാങ്ങി മന്ത്രി അഡ്വ. ഒ. ജെ. ജനീഷ് തൃശൂർ: തൃശൂർ ഗവൺമെന്റ് ലോ കോളേജിലെ പൂർവ വിദ്യാർത്ഥിയും കേരള സർക്കാരിന്റെ യുവജനക്ഷേമ, കായിക, രജിസ്ട്രേഷൻ വകുപ്പ് മന്ത്രിയുമായ അഡ്വ. ഒ. ജെ. ജനീഷിനെ അദ്ദേഹത്തിന്റെ മാതൃ കലാലയം ആദരിച്ചു. അധ്യാപക-രക്ഷാകർതൃ സംഘടനയും, പൂർവ്വ വിദ്യാർത്ഥി സംഘടനയും സംയുക്തമായാണ് പരിപാടി സംഘടിപ്പിച്ചത്. 2026 ജൂലൈ 6 (തിങ്കളാഴ്ച) രാവിലെ 11.00 മണിക്ക് കോളേജ് ഓഡിറ്റോറിയത്തിൽ നടന്ന, ഗൃഹാതുരത്വം ഉണർത്തിയ ചടങ്ങിൽ കോളേജിലെ അസോസിയേറ്റ് പ്രൊഫസർ ഡോ. പ്രീത യു. സ്വാഗതം ആശംസി ച്ചു. പ്രിൻസിപ്പൽ ഇൻ-ചാർജ് പ്രൊഫ. ഡോ. സോണിയ കെ. ദാസ് അധ്യക്ഷത വഹിച്ചു. തൃശൂർ ലോ കോളേജിലെ അന്തരീക്ഷം തന്റെ പൊതു ജീവിതത്തിനു ബലം പകർന്ന ഒന്നാണ് എന്ന് സ്‌മരിച്ച അദ്ദേഹം രാഷ്ട്രീയം മനുഷ്യ മനസ്സുകളെ സ്പർശിക്കുന്നത് ആശയങ്ങൾ കൊണ്ടാകണം എന്നും ഓർമിപ്പിച്ചു കോളേജിന്റെയും അധ്യാപക-രക്ഷാകർതൃ സംഘടനയുടെയും,അദ്ദേഹത്തിന്റെ സഹപാഠികളുടെയും സ്നേഹോപഹാരം സമർപ്പിക്കപ്പെട്ടു . പൂർവ വിദ്യാർത്ഥി സംഘടന പൊന്നാട അണിയിച്ചു. അസ്സോസിയേറ്റ് പ്രൊഫസർ ശ്രീമതി ലിജി .ടി. കെ , പൂർവ വിദ്യാർത്ഥി സംഘടനാ സെക്രട്ടറി അഡ്വ .സെബി ജെ പുല്ലേലിൽ, അധ്യാപക-രക്ഷാകർതൃ സംഘടന വൈസ് പ്രസിഡന്റ് ശ്രീമതി അപർണ പി .ജി , പൂർവ വിദ്യാർത്ഥി പ്രതിനിധി അഡ്വ .ജോയ്‌നാ ജോർജ് ,കോളേജ് യൂണിയൻ ചെയർ പേഴ്‌സൺ ശ്രീ പാർത്ഥിവ് എസ്. കോളേജ് യൂണിയൻ ജനറൽ സെക്രട്ടറി കുമാരി സ്നേഹ ജോഷി എന്നിവർ ആശംസ അർപ്പിച്ച ചടങ്ങിൽ അസ്സോസിയേറ്റ് പ്രൊഫസർ ഡോ.കദീജാബി .എ. എ നന്ദി പ്രകാശിപ്പിച്ചു.

തൃശൂർ ഗവ.ലോകോളേജിലെ പൂർവ വിദ്യാർത്ഥിയായ മന്ത്രി ഒ.ജെ ജനീഷിന് ഗവ. ലോകോളേജിൽ നൽകിയ സ്വീകരണത്തിൽ ഈ കോളേജിലെ തന്നെ പൂർവ വിദ്യാർത്ഥിയായ തൻ്റെ ഭാര്യ ശ്രീലക്ഷ്മിക്കൊപ്പം തങ്ങൾ പഠിച്ച ക്ലാസ് റൂം നോക്കി കാണുന്നു ഇവിടെ പഠിക്കുമ്പോഴാണ് ഇരുവരും പ്രണയത്തിലാവുന്നതും പിന്നീട് വിവാഹിതരാകുന്നതും

അയ്യപ്പൻകാവ് തൃക്കണാർവട്ടം എസ്.എൻ.എച്ച്.എസ് സ്കൂളിൽ നടന്ന പ്ലസ് വൺ പ്രവേശനോത്സവ ഉദ്ഘടന ചടങ്ങിൽ ലഹരിക്കെതിരെയുള്ള സംസ്ഥാന സർക്കാർ ഓപ്പറേഷൻ തൂഫാന്റെ ഭാഗമായി സ്കൂൾ വിദ്യാർത്ഥികൾ 10 ലക്ഷം ഗോളുകൾ അടിക്കുന്ന ചടങ്ങിൽ പ്രവേശന കവാടത്തിൽ മെസ്സിയും നെയ്മറും ക്രിസ്റ്റ്യാനോ റൊണാൾഡോയുടെ ചിത്രങ്ങൾ പ്രദർശിപ്പിച്ചിരിക്കുന്നതിനിടയിൽ താരങ്ങളുടെ ജെസ്സി അണിഞ്ഞെത്തിയ വിദ്യർത്ഥികൾ

അയ്യപ്പൻകാവ് തൃക്കണാർവട്ടം എസ്.എൻ.എച്ച്.എസ് സ്കൂളിൽ നടന്ന പ്ലസ് വൺ പ്രവേശനോത്സവ ഉദ്ഘടന ചടങ്ങിൽ ലഹരിക്കെതിരെയുള്ള സംസ്ഥാന സർക്കാർ ഓപ്പറേഷൻ തൂഫാന്റെ ഭാഗമായി സ്കൂൾ വിദ്യാർത്ഥികൾ 10 ലക്ഷം ഗോളുകൾ അടിക്കുന്ന ജില്ലാതല ഉദ്‌ഘാടനം ഹൈബി ഈഡൻ എം.പി ഗോളടിച്ചുകൊണ്ട് നിർവ്വഹിക്കുന്നു. മന്ത്രി അനൂപ് ജേക്കബ് തുടങ്ങിയവർ സമീപം