ആശുപത്രികളിൽ മാസ്‌ക് നിർബന്ധം

തിരുവനന്തപുരം: കൊവിഡ് പ്രതിരോധത്തിന്റെ ഭാഗമായി ആശുപത്രികളിൽ മാസ്‌ക് നിർബന്ധമാക്കിയതായി മന്ത്രി വീണാ ജോർജ് അറിയിച്ചു. രോഗം ബാധിച്ചാൽ അപകടരമാകാൻ സാദ്ധ്യതയുള്ളവർക്കും മാസ്‌ക് നിർബന്ധമാക്കി. ഗർഭിണികൾ, കുട്ടികൾ, പ്രായമായവർ, പ്രമേഹം, രക്തസമ്മർദ്ദം തുടങ്ങിയ ജീവിത ശൈലി രോഗമുള്ളവർ തുടങ്ങിയവർക്കാണ് മാസ്‌ക് കർശനമാക്കിയത്. ആരോഗ്യ പ്രവർത്തകർ സുരക്ഷാ മാനദണ്ഡങ്ങൾ കൃത്യമായി പാലിക്കണമെന്നും മന്ത്രി നിർദ്ദേശിച്ചു.