ന്യൂഡൽഹി: കേന്ദ്രസർക്കാർ കൊണ്ടുവന്ന സാമ്പത്തിക സംവരണം അംഗീകരിച്ച വിധി പുന:പരിശോധിക്കണമെന്ന ഹർജികൾ സുപ്രീംകോടതി തളളി. പത്ത് ശതമാനം സാമ്പത്തിക സംവരണവും, ഭരണഘടന ഭേദഗതിയും ശരിവച്ച വിധിക്കെതിരെ കോൺഗ്രസ് നേതാവ് ജയ താക്കൂറും, ഡി.എം.കെയും ഉൾപ്പടെയുള്ളവരാണ് പുന:പരിശോധനാഹർജി സമർപ്പിച്ചത്. വിധിയിൽ തെറ്റില്ലെന്നും, പുന:പരിശോധിക്കേണ്ട സാഹചര്യമില്ലെന്നും ചീഫ് ജസ്റ്റിസ് ഡി.വൈ. ചന്ദ്രചൂഡ് അദ്ധ്യക്ഷനായ ഭരണഘടന ബെഞ്ച് വ്യക്തമാക്കി. 2022 നവംബർ ഏഴിനാണ് സാമ്പത്തിക സംവരണ വിഷയത്തിൽ സുപ്രീംകോടതിയിൽ നിന്ന് വിധിയുണ്ടായത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |