ഇ.പി.എഫ്.ഒ ജനസമ്പർക്ക പരിപാടി 29ന്

തിരുവനന്തപുരം: എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ റീജിയണൽ ഓഫീസിന്റെ ആഭിമുഖ്യത്തിൽ നിധി ആപ്കേ നികട് (പി.എഫ് നിങ്ങളുടെ അരികെ ) എന്ന ജനസമ്പർക്ക പരിപാടി 29ന് തിരുവനന്തപുരത്തും പത്തനംതിട്ടയിലും നടത്തും. തിരുവനന്തപുരത്ത് വെഞ്ഞാറമൂട് ഗോകുലം മെഡിക്കൽ കോളേജിലും പത്തനംതിട്ടയിൽ മുത്തൂറ്റ് ഹോസ്പിറ്റലിലുമാണ് പരിപാടി. പി.എഫ് കവറേജ്, ഉയർന്ന പെൻഷൻ തുടങ്ങിയവയെക്കുറിച്ച് തൊഴിലാളികൾ, പെൻഷണേഴ്സ്, തൊഴിലുടമകൾ എന്നിവർക്ക് സംശയനിവാരണം നടത്താം. ബോധവത്കരണ ക്ലാസുകളുമുണ്ടാകും. പങ്കെടുക്കാൻ ആഗ്രഹിക്കുന്നവർ നേരിട്ടോ തപാലായോ ഇ മെയിൽ മുഖേനയോ (ru.tvm@epfindia.gov.in ) യു.എ.എൻ/പി.എഫ് അക്കൗണ്ട് നമ്പർ/ പി പി ഒ നമ്പർ/ മൊബൈൽ നമ്പർ എന്നിവയടക്കം തിരുവനന്തപുരം റീജിയണൽ പി.എഫ് ഓഫീസിൽ അപേക്ഷ സമർപ്പിക്കണം. അപേക്ഷയിൽ 'നിധി ആപ്കേ നികട് എന്ന് ചേർക്കണം.