'അടിവസ്ത്രം കാണണമെന്നാണ് ആവശ്യം' ദുരനുഭവത്തിൽ പ്രിയങ്ക ചോപ്ര

കരിയറിന്റെ തുടക്കകാലത്ത് നേരിട്ട ദുരനുഭവത്തെക്കുറിച്ച് തുറന്നുപറഞ്ഞ് നടി പ്രിയങ്ക ചോപ്ര. 2002-2003 ൽ തനിക്ക് നേരിട്ട ദുരനുഭവത്തെക്കുറിച്ചാണ് പ്രിയങ്കയുടെ തുറന്നുപറച്ചിൽ. പുരുഷ കഥാപാത്രത്തെ വശീകരിക്കുക എന്നാണ് പ്രിയങ്കയോട് ചെയ്യാൻ സംവിധായകൻ ആവശ്യപ്പെട്ടത്. ഞാൻ ആ വ്യക്തിയെ വശീകരിക്കണം, ഇതിനിടയിൽ എന്റെ വസ്ത്രവും അഴിക്കണം. അതുകൊണ്ട് എനിക്ക് നല്ല രീതിയിൽ അകത്ത് വസ്ത്രം ധരിക്കേണ്ട ആവശ്യമുണ്ടായിരുന്നു. പക്ഷേ അത് പറ്റില്ലെന്ന് സംവിധായകൻ. ഇല്ലാ ,എനിക്ക് അവരുടെ അടിവസ്ത്രം കാണണം. അതല്ലാതെ മറ്റെന്ത് കാണാനാണ് പ്രേക്ഷകർ വരുന്നത്. ഇത്തരത്തിലായിരുന്നു ആ സംവിധായകന്റെ സംഭാഷണം. തന്നോടല്ല മറിച്ച് സ്റ്റൈലിസ്റ്റിനോട് പറഞ്ഞ കാര്യം തന്റെ ശ്രദ്ധയിൽ പെട്ടതാണെന്ന് പ്രിയങ്ക പറയുന്നു. താൻ ചെയ്യുന്ന കലയ്ക്ക് ഒരു പ്രാധാന്യവുമില്ലെന്നാണ് സംവിധായകന്റെ വാക്കുകളിൽ നിന്ന് മനസിലാക്കിയതെന്നും പ്രിയങ്ക പറയുന്നു. സംവിധായകന്റെ മുഖം കാണാൻ താത്പര്യമില്ലാതിരുന്നതിനാൽ പ്രിയങ്ക ആ ചിത്രം ഉപേക്ഷിച്ചു. ബോളിവുഡിൽനിന്ന് ഇടവേളയെടുത്ത പ്രിയങ്ക ഹോളിവുഡിൽ സജീവമാണ്.