ചെന്നൈ: ഡിഎംകെ എം പി എസ് ജഗത് രക്ഷകന്റെ തമിഴ്‌നാട്ടിലെ വസതിയിൽ ആദായ നികുതി വകുപ്പ് റെയ്‌ഡ്. എം പിയുമായി ബന്ധമുള്ള 40 ഇടങ്ങളിലും പരിശോധന നടക്കുകയാണ്. ആരക്കോണം എം പിയും മുൻ കേന്ദ്ര സഹമന്ത്രിയുമാണ് ജഗത് രക്ഷകൻ. തമിഴ്‌നാട്ടിലെ ഡിഎംകെ നേതാക്കളുടെ വീടുകളിൽ നേരത്തെയും ആദായ നികുതി വകുപ്പ് പരിശോധന നടത്തിയിരുന്നു.

#WATCH | Income Tax Department conducting searches at the premises of DMK MP S Jagathrakshakan in Tamil Nadu. Over 40 locations are being searched by the Department. https://t.co/6aoMf7IpYE pic.twitter.com/lfgElaNhD7

— ANI (@ANI) October 5, 2023

നേരത്തെ അഴിമതിക്കേസിൽ തമിഴ്നാട് മന്ത്രിയും എഐഎഡിഎംകെ നേതാവുമായ സെന്തിൽ ബാലാജിയെ ഇഡി അറസ്റ്റ് ചെയ്തിരുന്നു. ഡിഎംകെയിലേയ്ക്ക് എത്തുന്നതിന് മുൻപ് ജയലളിത മന്ത്രിസഭയിലെ അഴിമതിക്കേസിലായിരുന്നു നടപടി. അക്കാലത്ത് ഗതാഗത മന്ത്രിയായിരുന്ന സെന്തിൽ ബാലാജി വകുപ്പിൽ ഡ്രൈവർ, കണ്ടക്‌ടർ, ജൂനിയർ ട്രേഡ്‌‌സ്‌മാൻ, ജൂനിയർ അസിസ്റ്റന്റ്, ജൂനിയർ എൻജിനീയർ തുടങ്ങിയ തസ്‌കകളിൽ നിയമനം നൽകുന്നതിന് അനധികൃതമായി പണം കൈപ്പറ്റിയതായാണ് കേസ്. മന്ത്രിക്കെതിരെ ഇഡിയും സിസിബിയും കുറ്റപത്രം സമർപ്പിച്ചിരിക്കുകയാണ്. മറ്റ് പ്രതികൾക്കൊപ്പം ചേർന്ന് സംസ്ഥാന ഗതാഗത സ്ഥാപനങ്ങളുടെ മാനേജിംഗ് ഡയറക്ടർമാരുമായി സെന്തിൽ ബാലാജി ക്രിമിനൽ ഗൂഢാലോചന നടത്തിയെന്നും ഇഡിയുടെ റിമാൻഡ് റിപ്പോർട്ടിൽ പറയുന്നു.