മൂവാറ്റുപുഴ: പൊട്ടിവീണ വൈദ്യുതി ലൈനിൽ നിന്ന് ഷോക്കേറ്റ് അസം തൊഴിലാളിയുടെ മകന് ദാരുണാന്ത്യം, സഹോദരന് പരിക്കേറ്റ് ആശുപത്രിയിൽ.ആക്രി പെറുക്കി ജീവിക്കുന്ന പേഴക്കാപ്പിള്ളി ലബ്ബ കോളനിയിലെ സമയ്യ-ലാൽമിയ ദമ്പതികളുടെ മകൻ റബ്ബുൽ ഹുസൈൻ (12) ആണ് മരി​ച്ചത്. ഹുസൈന്റെ ജ്യേഷ്ഠ സഹോദരൻ റാബിഖുൽ ഹഖി​(13)നെ കളമശേരി മെഡിക്കൽ കോളേജിൽ പ്രവേശിപ്പിച്ചു.രാവിലെ ആക്രി പെറുക്കാനിറങ്ങിയ ഇരുവർക്കും സിവിൽ സ്റ്റേഷൻ ഇ. ബി. ജംഗ്ഷൻ റോഡിൽ പാണ്ട്യാരപ്പള്ളി മസ്ജിദിന് സമീപം പൊട്ടിവീണ വൈദ്യുതി ലൈനിൽ നി​ന്നാണ് ഷോക്കേറ്റത്.