SignIn
Kerala Kaumudi Online
Sunday, 03 March 2024 7.29 AM IST

സൂര്യന്റെ പ്രതലത്തിൽ ഞെട്ടിക്കുന്ന വമ്പൻ ദ്വാരം കണ്ടെത്തി നാസ; വലിപ്പം 60 ഭൂമികളുടെയത്ര

sun

സൂര്യന്റെ പ്രതലത്തിൽ ഒരു വമ്പൻ ദ്വാരത്തെ കണ്ടെത്തിയതായി സൂചന. സൂര്യനിൽ നടന്ന ചില പ്രതിഭാസങ്ങളുടെ ഭാഗമായാണ് ഈ ശ്രദ്ധേയമായ കണ്ടെത്തലുണ്ടായത്. നാസയുടെ സോളാർ ഡൈനാമിക്‌സ് ഒബ്‌സർവേറ്ററി പിടിച്ചെടുത്ത ഇതിന്റെ ചിത്രങ്ങൾ പലരിലും അമ്പരപ്പുളവാക്കി. ഡിസംബർ രണ്ടിന് കണ്ട ഈ സൗര ദ്വാരം ഏകദേശം എട്ട് ലക്ഷത്തോളം കിലോമീറ്ററാണ് 24 മണിക്കൂറുകൊണ്ട് വളർന്നത്. ഏകദേശം 60 ഭൂമികളെ കൊള്ളാവുന്നത്ര വലുപ്പം. ഈ പുതിയ കാഴ്‌ച ഒരേസമയം ഗവേഷകർക്ക് അമ്പരപ്പും ഭയപ്പാടും ഉളവാക്കി.

സൂര്യന്റെ ചിത്രങ്ങളിൽ ഈ ഭാഗം കറുപ്പ് നിറത്തിലാണ് രേഖപ്പെടുത്തുക. കാരണം ചുറ്റുപാടുകളെ അപേക്ഷിച്ച് ഈ ഭാഗങ്ങളിൽ ചൂട് കുറവാകും എന്നത് തന്നെ. ഡിസംബർ നാല് മുതൽ ഇവിടെനിന്നും ശക്തമായി സൗരവാതങ്ങൾ ഭൂമിയിലേക്ക് വരുന്നുണ്ട്. ഇത് ഭൂമിയുടെ കാന്തികക്ഷേത്രത്തിന് വലിയ തടസങ്ങൾ ഉണ്ടാക്കുന്നുണ്ട്. സൗര്യനിലുണ്ടായ ഈ പ്രതിഭാസങ്ങൾ ഭൂമിയിൽ സാധാരണ ധ്രുവ ദീപ്‌തികൾ ഉണ്ടാകാത്ത സ്ഥലങ്ങളിൽ പോലും മനോഹരമായ ധ്രുവദീപ്‌തിയുണ്ടായേക്കുമെന്നും സൂചനയുണ്ട്.

എത്രദിവസം വരെ ഇത്തരത്തിൽ സൗരപ്രതലത്തിൽ സൗരദ്വാരങ്ങൾ തുടരുമെന്ന കാര്യത്തിൽ ഗവേഷകർക്ക് ഉറപ്പില്ല. 27 ദിവസങ്ങൾ വരെ നീണ്ടുനിന്ന പ്രതിഭാസങ്ങൾ അടുത്തിടെ ഉണ്ടായതിനാലാണിത്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: SUN, SOLAR, SOLAR EVENT
KERALA KAUMUDI EPAPER
TRENDING IN LIFESTYLE
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.