നേപ്പിൾസ് : യുവേഫ ചാമ്പ്യൻസ് ലീഗിൽ കഴിഞ്ഞ രാത്രി നടന്ന ആദ്യ പാദ പ്രീ ക്വാർട്ടർ ഫൈനൽ മത്സരത്തിൽ മുൻ ചാമ്പ്യന്മാരായ ബാഴ്സലോണ ഇറ്റാലിയൻ ക്ളബ് നാപ്പോളിയുമായി 1-1ന് സമനിലയിൽ പിരിഞ്ഞപ്പോൾ ഇംഗ്ളീഷ് ക്ളബ് ആഴ്സനലിനെ പോർച്ചുഗീസ് ക്ളബ് എഫ്.സി പോർട്ടോ ഏകപക്ഷീയമായ ഒരു ഗോളിന് അട്ടിമറിച്ചു.

നാപ്പോളിയുടെ തട്ടകത്തിൽ നടന്ന മത്സരത്തിൽ ആദ്യ പകുതി ഗോൾ രഹിതമായിരുന്നു. 60-ാം മിനിട്ടിൽ റോബർട്ട് ലെവാൻഡോവ്‌സ്കിയിലൂടെ ബാഴ്സയാണ് ആദ്യം സ്കോർ ചെയ്തത്. എന്നാൽ 75-ാം മിനിട്ടിൽ വിക്ടർ ഒസിമെനിലൂടെ നാപ്പോളി സമനില പിടിക്കുകയായിരുന്നു. സ്വന്തം തട്ടകത്തിൽ നടന്ന മത്സരത്തിന്റെ 90+4-ാം മിനിട്ടിൽ ഗലേനോ നേടിയ ഗോളിനാണ് പോർട്ടോ ആഴ്സനലിനെ തോൽപ്പിച്ചത്.