കൊച്ചി: എറണാകുളം പാർലമെന്റ് മണ്ഡലത്തിലെ 173 ഭിന്നശേഷിക്കാർക്ക് ഹൈബി ഈഡൻ എം.പിയുടെ സാന്ത്വനം പദ്ധതി പ്രകാരം വിവിധ ഉപകരണങ്ങൾ കൈമാറി. മൂന്ന് പേർക്ക് എം.പിയുടെ പ്രാദേശിക വികസന ഫണ്ട് ഉപയോഗിച്ച് വാങ്ങിയ മുച്ചക്ര വാഹനങ്ങൾ വിതരണം ചെയ്തു. ടി.ജെ. വിനോദ് എം.എൽ.എ അദ്ധ്യക്ഷനായി.

40 ശതമാനമോ അതിലധികമോ വൈകല്യമുള്ളവർക്കാണ് വീൽ ചെയറുകൾ, ഹിയറിംഗ് എയ്ഡുകൾ, ക്രച്ചസ്, സുഗമ കെയ്‌നുകൾ, അന്ധർക്കുള്ള മൊബൈൽ ഫോണുകൾ, കൃത്രിമ കാലുകൾ തുടങ്ങിയവ നൽകിയത്. കൗൺസിലർ മനു ജേക്കബ്, ജില്ലാ സാമൂഹ്യ നീതി ഓഫീസർ ബിനോയ്. വി.ജെ, സഹൃദയ വെൽഫെയർ സർവീസസ് ഡയറക്ടർ ഫാദർ ജോസഫ് കൊളുത്തുവേലിൽ തുടങ്ങിയവർ പങ്കെടുത്തു.