തിരുവനന്തപുരം: കെ.പി.സി.സി പ്രസിഡന്റ് കെ.സുധാകരനും പ്രതിപക്ഷ നേതാവ് വി.ഡി. സതീശനും നേതൃത്വം നൽകുന്ന സമരാഗ്നി ജനകീയ പ്രക്ഷോഭയാത്ര നാളെ സമാപിക്കും.
വൈകിട്ട് 4.30ന് സ്റ്റാച്യുവിൽ നിന്ന് ചെണ്ടമേളം, റോളർസ്കേറ്റിംഗ്, ശിങ്കാരിമേളം, പൂക്കാവടി തുടങ്ങിയവയുടെ അകമ്പടിയോടെ ഘോഷയാത്രയായി നേതാക്കളെ സമ്മേളനവേദിയായ പുത്തരിക്കണ്ടം മൈതാനിയിലേക്ക് ആനയിക്കും.
തുടർന്ന് നടക്കുന്ന മഹാസമ്മേളനം തെലങ്കാന മുഖ്യമന്ത്രി രേവന്ത് റെഡ്ഡി ഉദ്ഘാടനം ചെയ്യും. എ.ഐ.സി.സി ജനറൽ സെക്രട്ടറി സച്ചിൻ പൈലറ്റ് മുഖ്യാതിഥിയായിരിക്കും. പ്രവർത്തകർ അഞ്ചു മണിക്കു മുമ്പ് പുത്തരിക്കണ്ടം മൈതാനിയിൽ എത്തിച്ചേരണമെന്ന് ഡി.സി.സി പ്രസിഡന്റ് പാലോട് രവി അറിയിച്ചു.
ചീഫ് സെക്രട്ടറി ഗവർണറെ കണ്ടു
തിരുവനന്തപുരം: ചീഫ് സെക്രട്ടറി ഡോ. വി. വേണു ഇന്നലെ രാജ്ഭവനിലെത്തി ഗവർണറെ കണ്ടു. മുഖ്യ വിവരാവകാശ കമ്മിഷണറുടെ സത്യപ്രതിജ്ഞയും മറ്റൊരു സർക്കാർ പരിപാടിയും മാർച്ച് ആറിന് രാജ്ഭവനിൽ നടത്തുന്നതിന്റെ ചർച്ചയ്ക്കായാണ് ചീഫ്സെക്രട്ടറി എത്തിയത്. ഡിസംബറിൽ ഗവർണർക്കു നേരേ എസ്.എഫ്.ഐക്കാർ കരിങ്കൊടി പ്രതിഷേധമുണ്ടാവുകയും കാറിന് കേടുപാട് വരുത്തുകയും ചെയ്തതിനെത്തുടർന്ന് ചീഫ്സെക്രട്ടറിയോട് ഗവർണർ റിപ്പോർട്ട് തേടിയിരുന്നെങ്കിലും നൽകിയിരുന്നില്ല. അതിനു ശേഷം ഇന്നലെയാണ് ചീഫ്സെക്രട്ടറി രാജ്ഭവനിലെത്തിയത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |