SignIn
Kerala Kaumudi Online
Tuesday, 23 April 2024 8.51 PM IST

ഉഷ്ണതരംഗം, തിമിംഗലങ്ങളും അപ്രത്യക്ഷമാകുന്നു

pp

ന്യൂയോർക്ക്: കഴിഞ്ഞ പത്തു വർഷത്തിനിടെ വടക്കൻ പസഫിക് സമുദ്രത്തിലെ ഹംപ്ബാക്ക് തിമിംഗലങ്ങളുടെ എണ്ണത്തിൽ 20 ശതമാനം കുറവ് സംഭവിച്ചതായി കണ്ടെത്തൽ. സമുദ്രത്തിലെ ഉഷ്ണതരംഗങ്ങളാണ് ഇതിന് കാരണമെന്ന് ഗവേഷകർ പറയുന്നു. കാലാവസ്ഥാ വ്യതിയാന ഫലമായി ഇത്തരം ഉഷ്ണതരംഗങ്ങൾ ഉയരുന്നത് ഹംപ്ബാക്ക് തിമിംഗലങ്ങളുടെ നിലനിൽപ്പിനെ തന്നെ ബാധിച്ചേക്കാമെന്നാണ് ആശങ്ക. സംരക്ഷണ ശ്രമങ്ങളിലൂടെയും തിമിംഗലവേട്ട നിരോധിച്ചതിലൂടെയും 2012 വരെ ഹംപ്ബാക്ക് തിമിംഗലങ്ങളുടെ എണ്ണം ഉയർത്താൻ സാധിച്ചിരുന്നു. 2012ൽ വടക്കൻ പസഫിക്കിൽ 33,000 ഹംപ്ബാക്ക് തിമിംഗലങ്ങളുണ്ടായിരുന്നെങ്കിൽ ഇന്നത് 26,600 ആയി ചുരുങ്ങിയെന്നാണ് കണ്ടെത്തൽ. ചൂട് കൂടുന്നത് തിമിംഗലങ്ങൾ ആഹാരമാക്കുന്ന കടൽജീവികളുടെ എണ്ണത്തെയും പ്രതികൂലമായി ബാധിച്ചിട്ടുണ്ട്. ഭക്ഷണം കിട്ടാതെയുള്ള മരണമാകാം ഒരുപക്ഷേ തിമിംഗലങ്ങളുടെ എണ്ണം കുറയാൻ കാരണം. യൂറോപ്യൻ രാജ്യങ്ങൾ അതിശക്തമായ ഉഷ്ണ തരംഗങ്ങളുടെ പിടിയിലമരുന്നത് നാം കഴിഞ്ഞ വർഷം കണ്ടിരുന്നു. ഇത്തവണയും അതിതീവ്രമായ ആവർത്തനമുണ്ടാകുമെന്നും ആഗോളതാപനത്തെ ചെറുക്കാനുള്ള ശ്രമങ്ങൾ ഉണ്ടായില്ലെങ്കിൽ കരയിലും കടലിലും ഒരുപോലെ അതിന്റെ ദുരന്തങ്ങൾ പ്രത്യക്ഷപ്പെടാമെന്നും ശാസ്ത്രലോകം മുന്നറിയിപ്പ് നൽകുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, WORLD, WORLD NEWS
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.