തിരുവനന്തപുരം: കേരള മീഡിയ അക്കാഡമി കൊച്ചി കാക്കനാട്, തിരുവനന്തപുരം ശാസ്തമംഗലം സെന്ററുകളിൽ ഏപ്രിൽ,മേയ് മാസങ്ങളിൽ നടത്തുന്ന മാദ്ധ്യമ മേഖലയുമായി ബന്ധപ്പെട്ട അവധിക്കാല ക്ലാസ്സുകൾ ഏപ്രിൽ 3ന് ആരംഭിക്കും.8 മുതൽ 12 വരെ ക്ലാസ്സുകളിൽ പഠിക്കുന്നവർക്കാണ് പ്രവേശനം. തിങ്കൾ മുതൽ ശനി വരെ രാവിലെയും ഉച്ചയ്ക്കുമായി രണ്ട് പാക്കേജുകളാണുള്ളത്.രാവിലെ 10 മുതൽ ഒരുമണി വരെയുള്ള ബാച്ചിൽ ഫോട്ടോഗ്രാഫി,സ്മാർട്ട് ഫോൺ ഫോട്ടോ& വീഡിയോ എഡിറ്റിംഗ്,ഫോട്ടോ ഡോക്യുമെന്റേഷൻ,ഡോക്യുമെന്ററി& അഡ്വർടൈസ്മെന്റ് ഫിലിം മേക്കിംഗ് എന്നീ വിഷയങ്ങളും ഉച്ചയ്ക്ക് 2 മുതൽ 5 വരെയുള്ള ബാച്ചിൽ മോജോ,അടിസ്ഥാന മാദ്ധ്യമ പ്രവർത്തനം,സ്മാർട് ഫോൺ ഫീച്ചേഴ്സ്,ടി.വി,റേഡിയോ,യൂട്യൂബ് കണ്ടന്റ് ക്രിയേഷൻ,വ്ളോഗിംഗ്& ബ്ളോഗിംഗ്,സോഷ്യൽ മീഡിയ മാനേജ്മെന്റ്,ആർട്ടിഫിഷ്യൽ ഇന്റലിജൻസ് ആങ്കറിംഗ്,എ.ഐ ധാർമ്മികതയും ഭാവി സാദ്ധ്യതകളും എന്നീ വിഷയങ്ങളും പരിശീലിപ്പിക്കും.ഒരു ബാച്ചിൽ രണ്ട് മാസത്തെ പരിശീലനത്തിന് 8,000 രൂപയും രണ്ട് ബാച്ചും തിരഞ്ഞെടുക്കുന്നവർക്ക് 15,000 രൂപയുമാണ് ഫീസ്.പരിശീലനം വിജയകരമായി പൂർത്തിയാക്കുന്നവർക്ക് സർക്കാർ അംഗീകൃത സർട്ടിഫിക്കറ്റ് നൽകും.www.keralamediaacademy.org സന്ദർശിച്ച് ആപ്ലിക്കേഷൻ ഫോർ വെക്കേഷൻ ക്ലാസ് എന്ന ലിങ്കിൽ രജിസ്റ്റർ ചെയ്യാം.ഒരോ ബാച്ചിനും ഓരോ സെന്ററിൽ ആദ്യം രജിസ്റ്റർ ചെയ്യുന്ന 25 പേർക്ക് വീതമാണ് പ്രവേശനം.വിവരങ്ങൾക്ക് 0471-2726275,9447225524(തിരുവനന്തപുരം), 0484-2422275,9388533920(കൊച്ചി).
സി-ഡിറ്റ് കോഴ്സുകൾക്ക് നോർക്ക എച്ച്.ആർ.ഡി അറ്റസ്റ്റേഷൻ അംഗീകാരം
തിരുവനന്തപുരം: സി-ഡിറ്റിന്റെ പോസ്റ്റ് ഗ്രാജ്വേറ്റ് ഡിപ്ലോമ, അഡ്വാൻസ്ഡ് ഡിപ്ലോമ, ഡിപ്ലോമ കോഴ്സുകൾക്ക് നോർക്ക എച്ച്.ആർ.ഡി അറ്റസ്റ്റേഷൻ അംഗീകാരം ലഭിച്ചു. നോർക്കയുടെ സർട്ടിഫിക്കറ്റ് ഓതന്റിക്കേഷൻ കേന്ദ്രങ്ങളായ തിരുവനന്തപുരം, എറണാകുളം, കോഴിക്കോട് ഓഫീസുകൾ വഴി സി-ഡിറ്റ് സർട്ടിഫിക്കറ്റുകൾക്ക് എച്ച്.ആർ.ഡി അറ്റസ്റ്റേഷൻ ലഭ്യമാവും. പോസ്റ്റ് ഗ്രാജ്വേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, അഡ്വാൻസ്ഡ് ഡിപ്ലോമ ഇൻ കമ്പ്യൂട്ടർ ഹാർഡ്വെയർ ആൻഡ് നെറ്റ്വർക്കിംഗ്, അഡ്വാൻസ്ഡ് ഡിപ്ലോമ ഇൻ കമ്പ്യൂട്ടർ ട്രെയിനിംഗ് ഫോർ ടീച്ചേഴ്സ്, ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, ഡിപ്ലോമ ഇൻ മൾട്ടിമീഡിയ, ഡിപ്ലോമ ഇൻ ഓഫീസ് ഓട്ടോമേഷൻ, ഡിപ്ലോമ ഇൻ കമ്പ്യൂട്ടറൈസ്ഡ് ഫിനാൻഷ്യൽ മാനേജ്മെന്റ്, ഡിപ്ലോമ ഇൻ ഡെസ്ക്ക്ടോപ്പ് പബ്ലിഷിംഗ് കോഴ്സുകൾക്കാണ് അംഗീകാരം.
കമ്പ്യൂട്ടർ കോഴ്സുകൾ
തിരുവനന്തപുരം: എൽ.ബി.എസ് സെന്റർ ഫോർ സയൻസ് ആൻഡ് ടെക്നോളജിയുടെ തിരുവനന്തപുരം സെന്ററിൽ ഏപ്രിൽ ആദ്യവാരം ആരംഭിക്കുന്ന കമ്പ്യൂട്ടർ കോഴ്സുകളിൽ അപേക്ഷിക്കാം. വെബ്സൈറ്ര്- www.lbscentre.kerala.gov.in. ഫോൺ- 0471 2560333/ 8289874312.
പി.എസ്.സി അഭിമുഖം
തിരുവനന്തപുരം: ആലപ്പുഴ ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (ഇംഗ്ലീഷ്) (തസ്തികമാറ്റം മുഖേന) (കാറ്റഗറി നമ്പർ 601/2022) തസ്തികയുടെ ചുരുക്കപ്പട്ടികയിലുൾപ്പെട്ടവർക്ക് 26ന് പി.എസ്.സി കൊല്ലം മേഖലാ ഓഫീസിൽ അഭിമുഖം നടത്തും.
കൊല്ലം ജില്ലയിൽ ഹോമിയോപ്പതി വകുപ്പിൽ നഴ്സ് ഗ്രേഡ് 2 (കാറ്റഗറി നമ്പർ 721/2022) തസ്തികയുടെ ചുരുക്കപ്പട്ടികയിലുൾപ്പെട്ടവർക്ക് 27ന് പി.എസ്.സി കൊല്ലം മേഖലാ ഓഫീസിൽ അഭിമുഖം നടത്തും.
റഷ്യൻ തൊഴിൽ
തട്ടിപ്പിൽ വീഴരുത്:
നാേർക്ക
തിരുവനന്തപുരം: സംഘർഷം നിലനിൽക്കുന്ന റഷ്യൻ, യുക്രൈൻ മേഖലകളിലേയ്ക്കും അതിർത്തി പ്രദേശങ്ങളിലേയ്ക്കും തൊഴിലന്വേഷിക്കുന്നവർ ജാഗ്രത പാലിക്കണമെന്ന് തിരുവനന്തപുരം പ്രൊട്ടക്ടർ ഓഫ് എമിഗ്രൻസും നോർക്ക റൂട്ട്സ് അധികൃതരും അറിയിച്ചു.
തൊഴിൽ വാഗ്ദാനം ലഭിച്ച് പോയ ചിലർ തട്ടിപ്പിനിരയായ പശ്ചാത്തലത്തിലാണ് അറിയിപ്പ്. വ്യാജ റിക്രൂട്ട്മെന്റ് ഏജൻസികളുടെയും ഇടനിലക്കാരുടെയും വാഗ്ദാനങ്ങളിൽ വീഴരുത്. കേന്ദ്ര വിദേശകാര്യ മന്ത്രാലയത്തിന്റെ ലൈസൻസുള്ള അംഗീകൃത ഏജൻസികൾ വഴി മാത്രമേ വിദേശ തൊഴിൽ കുടിയേറ്റത്തിന് ശ്രമിക്കാവൂ.
ഓഫർ ലെറ്ററിൽ പറഞ്ഞിരിക്കുന്ന ജോലി, ശമ്പളം മറ്റാനുകൂല്യങ്ങൾ എല്ലാം പൂർണമായും ശരിയാണെന്ന് ഉറപ്പ് വരുത്തണം. ജോലിക്കായി വിസിറ്റ് വിസയിലൂടെ പോകുന്നത് ഒഴിവാക്കണം. വിദേശ തൊഴിൽ തട്ടിപ്പുകളുമായി ബന്ധപ്പെട്ട പരാതികൾ spnri.pol@kerala.gov.in, dyspnri.pol@kerala.gov.in എന്നീ ഇ മെയിലുകള് വഴിയും, 0471-2721547 എന്ന ഹെല്പ്പ്ലൈന് നമ്പറിലും അറിയിക്കാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |