ചെന്നൈയിലെ ശിവനാടാർ യൂണിവേഴ്സിറ്റി ബിരുദ, ബിരുദാനന്തര പ്രോഗ്രാമുകൾക്ക് അപേക്ഷ ക്ഷണിച്ചു. ബി.എസ്സി ഇക്കണോമിക്സ് (ഡാറ്റ സയൻസ്), ബി.കോം, ബി.ടെക് ആർട്ടിഫിഷ്യൽ ഇന്റലിജൻസ് & ഡാറ്റ സയൻസ്, കമ്പ്യൂട്ടർ സയൻസ് എൻജിനിയറിംഗ് (സൈബർ സെക്യൂരിറ്റി), ഇന്റർനെറ്റ് ഒഫ് തിംഗ്സ്, എം.ടെക് എ.ഐ & ഡാറ്റ സയൻസ്, പി.എച്ച്ഡി പ്രോഗ്രാം എന്നിവയ്ക്ക് അപേക്ഷിക്കാം. മൂന്നു ഘട്ടങ്ങളിലായി നടക്കുന്ന പ്രവേശന പരീക്ഷ യഥാക്രമം ഏപ്രിൽ 13, 27, മേയ് 11 തീയതികളിലാണ്. www.snuchennai.edu.in.
പി.എച്ച്ഡി @ എസ്.ആർ.എം, ചെന്നൈ
ചെന്നൈയിലുള്ള എസ്.ആർ.എം യൂണിവേഴ്സിറ്റി ജൂൺ 2024 മുതലാരംഭിക്കുന്ന ഡോക്ടറൽ പ്രോഗ്രാമിന് അപേക്ഷ ക്ഷണിച്ചു. നെറ്റ്, ഗേറ്റ് സ്കോറുള്ളവർക്ക് പ്രതിമാസം 31000 രൂപ ഫെലോഷിപ്പ് ലഭിക്കും. മറ്റുള്ളവർക്ക് പ്രതിമാസം 25000 രൂപ ഫെലോഷിപ്പ്. ഏപ്രിൽ 30 വരെ അപേക്ഷിക്കാം. www.srmist.edu.in.
മാനസികാരോഗ്യത്തിന് ചാറ്റ് ബോട്ടുകൾ
സ്ട്രെസ്, മാനസിക സംഘർഷം എന്നിവ മൂലം ബുദ്ധിമുട്ടനുഭവിക്കുന്ന വിദ്യാർത്ഥികളെ സഹായിക്കാനായി ആർട്ടിഫിഷ്യൽ ഇന്റലിജൻസിന്റെ സഹായത്തോടെ രൂപപ്പെടുത്തിയ ചാറ്റ് ബോട്ടുകൾ പ്രവർത്തനക്ഷമമാകുന്നു. EARKICK, WYSA എന്നിവ സ്മാർട്ട് ഫോണിൽ ലഭിക്കും. ശ്വസന വ്യായാമം, സ്ട്രെസ് മാനേജ്മെന്റ്, വിപരീത ചിന്തകൾ ഒഴിവാക്കൽ എന്നിവയിലൂന്നിയുള്ള വിവരങ്ങൾ ലഭിക്കും. യു.കെയിലെ നാഷണൽ ഹെൽത്ത് സർവീസാണ് WYSA രൂപകൽപ്പന ചെയ്തത്. ഇതിൽ ഡിപ്രഷൻ, സ്ട്രെസ്, വ്യാകുല ചിന്തകൾ എന്നിവ പരിഹരിക്കാനുള്ള നിർദ്ദേശങ്ങൾ നൽകും.
മൂന്നാം ക്ലാസിലെയും ആറാം ക്ലാസിലെയും സിലബസിൽ മാറ്റം
അടുത്ത അദ്ധ്യയനവർഷം മുതൽ എൻ.സി.ഇ.ആർ.ടി പുതിയ സിലബസനുസരിച് മൂന്നാം ക്ലാസിലെയും ആറാം ക്ലാസിലെയും ടെക്സ്റ്റ് ബുക്കുകളിൽ മാറ്റം വരുന്നു. അദ്ധ്യാപകർക്കും സ്കൂൾ മേധാവികൾക്കും ദേശീയ വിദ്യാഭ്യാസ നയം 2020 അനുസരിച്ച് പ്രത്യേക ട്രെയിനിംഗ് പ്രോഗ്രാമുകൾ അടുത്ത അദ്ധ്യയന വർഷം നടപ്പിലാക്കും.
IMU-CET: മേയ് 5 വരെ അപേക്ഷിക്കാം
ഇന്ത്യൻ മാരിടൈം സർവകലാശാല കാമ്പസുകളിലും അഫിലിയേറ്റഡ് സ്ഥാപനങ്ങളിലും 2024-25 വർഷം നടത്തുന്ന വിവിധ പ്രോഗ്രാമുകളിലേക്കുള്ള പൊതുപ്രവേശന പരീക്ഷ (IMU-CET) ജൂൺ എട്ടിന് നടക്കും. ചെന്നൈ, കൊച്ചി, കൊൽക്കത്ത, മുംബൈ പോർട്ട്, നവി മുംബൈ, വിശാഖപട്ടണം എന്നിവിടങ്ങളിലായി ആറ് കാമ്പസുകളാണ് മാരിടൈം സർവകലാശാലയ്ക്കുള്ളത്. വിശദവിവരങ്ങൾക്ക് www.imu.edu.in.
കോഴ്സുകൾ:
* ബി.ടെക്- ശാഖകൾ: മറൈൻ എൻജിനിയറിംഗ്, നേവൽ ആർക്കിടെക്ചർ ആൻഡ് ഓഷൻ എൻജിനിയറിംഗ്.
* എം.ബി.എ- ഇന്റർനാഷനൽ ട്രാൻസ്പോർട്ടേഷൻ ആൻഡ് ലോജിസ്റ്റിക്സ് മാനേജ്മെന്റ്, പോർട്ട് ആൻഡ് ഷിപ്പിംഗ് മാനേജ്മെന്റ്.
* എം.ടെക്-മറൈൻ ടെക്നോളജി, നേവൽ ആർക്കിടെക്ചർ ആൻഡ് ഓഷൻ എൻജിനിയറിംഗ്, ഡ്രെഡ്ജിംഗ് ആൻഡ് ഹാർബർ എൻജിനിയറിംഗ്.
* ബി.എസ്സി- നോട്ടിക്കൽ സയൻസ്, ഷിപ്പ് ബിൽഡിംഗ് ആൻഡ് റിപ്പയർ.
* ബി.ബി.എ- മാരിടൈം ലോജിസ്റ്റിക്സ്, റീട്ടെയിലിംഗ് ആൻഡ് ഇ-കൊമേഴ്സ്.
ബി.ബി.എ ഒഴികെ എല്ലാ കോഴ്സുകൾക്കും ഓൺലൈനായി മേയ് 5 വരെ രജിസ്റ്റർ ചെയ്യാം. കോഴ്സുകൾ ആഗസ്റ്റിൽ ആരംഭിക്കും. കേരളത്തിൽ കോഴിക്കോട്, കണ്ണൂർ, കൊച്ചി, കോട്ടയം, തൃശൂർ, തിരുവനന്തപുരം, കൊല്ലം, പാലക്കാട് പ്രവേശന പരീക്ഷാകേന്ദ്രങ്ങളാണ്.
വനിതകൾക്ക് സൗജന്യ കമ്പ്യൂട്ടർ പരിശീലനം
തിരുവനന്തപുരം: ശാസ്ത്ര സാഹിത്യ ഇൻസ്റ്റിറ്റ്യൂട്ട് വനിതകൾക്കായി നടത്തുന്ന സൗജന്യകമ്പ്യൂട്ടർ പരിശീലനത്തിന് അപേക്ഷിക്കാം. എം.എസ് ഓഫീസ്,ഡി.ടി.പി,ഫോട്ടോഷോപ്പ്,കോറൽഡ്രോ,വേഡ്പ്രോസസിംഗ്,ഡാറ്റാഎൻട്രി,ഫണ്ടമെന്റൽസ് ഒഫ് കമ്പ്യൂട്ടർ,ഐ.എസ്.എം മലയാളം എന്നിവയിലാന്ന് പരിശീലനം. വിശദവിവരങ്ങൾക്ക് ഫോൺ: 9037893148,9567803710
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |