തിരുവനന്തപുരം: സാങ്കേതിക വിദ്യാഭ്യാസ വകുപ്പിൽ ട്രേഡ്സ്മാൻ (ഇലക്ട്രോണിക്സ്) (കാറ്റഗറി നമ്പർ 427/2023), കേരള ടൂറിസം ഡെവലപ്മെന്റ് കോർപ്പറേഷനിൽ ബോട്ട് ലാസ്കർ (കാറ്റഗറി നമ്പർ 62/2023), ആരോഗ്യ വകുപ്പിൽ ജൂനിയർ ഹെൽത്ത് ഇൻസ്പെക്ടർ ഗ്രേഡ് 2 (പട്ടികവർഗ്ഗം) (കാറ്റഗറി നമ്പർ 450/2023), ആരോഗ്യ വകുപ്പിൽ ജൂനിയർ പബ്ലിക് ഹെൽത്ത് നഴ്സ് ഗ്രേഡ് 2 (പട്ടികവർഗ്ഗം) (കാറ്റഗറി നമ്പർ 537/2023) തസ്തികകളിലേക്ക് സാദ്ധ്യതാപട്ടിക പ്രസിദ്ധീകരിക്കാൻ ഇന്നലെ ചേർന്ന പി.എസ്. സി യോഗം തീരുമാനിച്ചു.
ചുരുക്കപ്പട്ടിക
ഭാരതീയ ചികിത്സാ വകുപ്പിൽ മെഡിക്കൽ ഓഫീസർ (പഞ്ചകർമ്മ) (കാറ്റഗറി നമ്പർ 631/2023), കോഴിക്കോട് ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (അറബിക്) - ആറാം എൻ.സി.എ. പട്ടികജാതി (കാറ്റഗറി നമ്പർ 560/2023), വിവിധ ജില്ലകളിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (അറബിക്) - ഒന്നാം എൻ.സി.എ. ഈഴവ/തിയ്യ/ബില്ലവ, എൽ.സി./എ.ഐ., പട്ടികജാതി (കാറ്റഗറി നമ്പർ 457/2023, 460/2023, 461/2023), കോഴിക്കോട് ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (അറബിക്) - രണ്ടാം എൻ.സി.എ. വിശ്വകർമ്മ (കാറ്റഗറി നമ്പർ 556/2023), കാസർകോട് ജില്ലയിൽ വിദ്യാഭ്യാസ വകുപ്പിൽ യു.പി.സ്കൂൾ ടീച്ചർ (കന്നട മീഡിയം) (കാറ്റഗറി നമ്പർ 478/2023), മലപ്പുറം, കോഴിക്കോട്, വയനാട് ജില്ലകളിൽ വിദ്യാഭ്യാസ വകുപ്പിൽ പാർട്ട്ടൈം ജൂനിയർ ലാംഗ്വേജ് ടീച്ചർ (ഉറുദു) (കാറ്റഗറി നമ്പർ 196/2023) തസ്തികകളിലേക്ക് ചുരുക്കപ്പട്ടിക പ്രസിദ്ധീകരിക്കും.
ഡോ. ജി.പത്മറാവു സ്മാരക ദേശീയപുരസ്കാരം
തിരുവനന്തപുരം: കേരള സർവകലാശാല മലയാളം വിഭാഗം അദ്ധ്യക്ഷനും താരതമ്യ സാഹിത്യ വിമർശകനുമായിരുന്ന ഡോ.ജി.പത്മറാവുവിന്റെ സ്മരണാർത്ഥം ദേശീയ തലത്തിൽ മികച്ച എം.എ മലയാളം പ്രോജക്ടിന് നൽകുന്ന ജി.പത്മറാവു സ്മാരക ദേശീയ പുരസ്കാരത്തിന് പ്രബന്ധങ്ങൾ ക്ഷണിച്ചു. 2023ൽ ഇന്ത്യയിലെ വിവിധ സർവകലാശാലകളിൽ നിന്നും എം.എ മലയാളം പൂർത്തിയാക്കിയ വിദ്യാർത്ഥികൾക്ക് മത്സരത്തിൽ പങ്കെടുക്കാം.
മാർഗദർശിയും സ്ഥാപന മേധാവിയും സാക്ഷ്യപ്പെടുത്തിയ പ്രബന്ധത്തിന്റെ കോപ്പി മേയ് 10ന് മുൻപായി പ്രൊഫ. സീമാ ജെറോം, അദ്ധ്യക്ഷ, മലയാളം വിഭാഗം, കേരളസർവകലാശാല, കാര്യവട്ടം പി.ഒ 695581 വിലാസത്തിൽ അയയ്ക്കണം. പ്രബന്ധത്തിന്റെ പി.ഡി.എഫ് ഫോർമാറ്റ് malayalam@keralauniversity.ac.in ലേക്ക് അയയ്ക്കണം. ഫോൺ: 04712308459.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |