കാസർകോട്: ബൈക്ക് മോഷണക്കേസിൽ രണ്ടുപേരെ വിദ്യാനഗർ സി.ഐ കെ.ജെ. വിനോയിയുടെ നേതൃത്വത്തിൽ അറസ്റ്റുചെയ്തു. മുഹമ്മദ് അൽഫാസ്, മുസമ്മിൽ ഹുസൈൻ എന്നിവരാണ് മായിപ്പാടിയിൽ വെച്ച് അറസ്റ്റിലായത്. പാടി കോരിക്കാറിലെ മുഹമ്മദ് മുബഷീറിന്റെ ഉടമസ്ഥതയിലുള്ള ബജാജ് പൾസർ ബൈക്ക് കഴിഞ്ഞ ഡിസംബർ 18ന് വീട്ടുമുറ്റത്ത് നിന്ന് കവർന്ന കേസിലാണ് അറസ്റ്റ്.
കവർന്ന ബൈക്കുകൾ വാങ്ങി നമ്പർ പ്ലേറ്റുകളടക്കം മാറ്റി വിൽപന നടത്തുന്ന സംഘത്തിലെ പ്രധാനികളാണ് പിടിയിലായതെന്നാണ് പൊലീസിന് ലഭിച്ച വിവരം. കൂടുതൽ അന്വേഷണം നടന്നുവരികയാണ്. എസ്.ഐ വി.വി. ദീപ്തി, സീനിയർ സിവിൽ പൊലീസ് ഓഫീസർ റോജൻ, സിവിൽ പൊലീസ് ഓഫീസർമാരായ ഷിനോയ്, അബ്ദുൽസലാം, കൃഷ്ണനുണ്ണി എന്നിവരടങ്ങുന്ന സംഘമാണ് പ്രതികളെ പിടികൂടിയത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |