തിരുവനന്തപുരം: കേരള പബ്ലിക് സർവീസ് കമ്മീഷന്റെ ഔദ്യോഗിക എംബ്ലം ഉപയോഗിച്ചും കമ്മീഷന്റെ പേരോ സമാനമായ പേരുകളോ ഉപയോഗിച്ച് സ്വകാര്യ വ്യക്തികളും സ്ഥാപനങ്ങളും വാട്സ്ആപ്പ് ഗ്രൂപ്പുകൾ, ടെലിഗ്രാം ചാനലുകൾ ഫേസ്ബുക്ക് പേജ്, യൂട്യൂബ് ചാനൽ എന്നിവ നടത്തുന്നത് കുറ്റകരമാണെന്ന് പി.എസ്.സി അറിയിച്ചു. ഇവ കമ്മീഷന്റെ ഔദ്യോഗിക സോഷ്യൽ മീഡിയ സംവിധാനമാണെന്ന് ഉദ്യോഗാർത്ഥികൾ തെറ്റിദ്ധരിക്കും. പി.എസ്.സി. അംഗീകൃത കോഴ്സുകൾ എന്ന രീതിയിൽ തെറ്റായി പരസ്യം ചെയ്തു വിവിധ സ്ഥാപനങ്ങൾ പ്രവർത്തിക്കുന്നതും കുറ്റകരമാണ്. കമ്മീഷന്റെ ഔദ്യോഗിക അറിയിപ്പുകൾ, വാർത്തകൾ എന്നിവ നൽകുന്ന അംഗീകൃത പത്ര ദൃശ്യമാദ്ധ്യമങ്ങൾ ഒഴികെ വ്യക്തികളും സ്ഥാപനങ്ങളും പി.എസ്.സി.യുടെ എംബ്ലം, പേര്, ഓഫീസ് ചിത്രം എന്നിവ ഉപയോഗിക്കുന്നതും പി.എസ്.സി. അംഗീകൃതം എന്ന് പരസ്യം ചെയ്തു കോഴ്സുകൾ നടത്തുന്നതും കുറ്റകരമാണ്. ഇക്കാര്യം അതീവ ഗൗരവത്തോടെ കമ്മിഷൻ നിരീക്ഷിക്കുമെന്ന് പത്രക്കുറിപ്പിൽ അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |