കുഞ്ചാക്കോ ബോബനും രതീഷ് ബാലകൃഷ്ണൻ പൊതുവാളും വീണ്ടും ഒരുമിക്കുന്നു. രതീഷ് ബാലകൃഷ്ണൻ പൊതുവാളും കുഞ്ചാക്കോ ബോബനും ഒരുമിക്കുന്ന മൂന്നാമത്തെ ചിത്രത്തിൽ സജിൻ ഗോപു, രാജേഷ് മാധവൻ എന്നിവരാണ് മറ്റു പ്രധാന താരങ്ങൾ. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ ആണ് നിർമ്മാണം. ഹ്യൂമർ പശ്ചാത്തലത്തിൽ ഒരുങ്ങുന്നതാണ് ചിത്രം. ന്നാ, താൻ കേസ് കൊട് എന്ന ചിത്രത്തിലൂടെയാണ് കുഞ്ചാക്കോ ബോബനും രതീഷ് ബാലകൃഷ്ണൻ പൊതുവാളും ആദ്യമായി ഒരുമിക്കുന്നത്. കുഞ്ചാക്കോ ബോബന്റെ കരിയറിലെ മികച്ച കഥാപാത്രങ്ങളിലൊന്നാണ് ന്നാ താൻകേസ് കൊട് എന്ന ചിത്രത്തിലെ കൊഴുമ്മൽ രാജീവൻ. രാജേഷ് മാധവനും ചിത്ര നായരും പ്രധാന വേഷം അവതരിപ്പിച്ച സുരേശന്റെയും സുമലതയുടെയും ഹൃദയഹാരിയായ പ്രണയകഥയിൽ അതിഥി വേഷത്തിൽ കുഞ്ചാക്കോ ബോബൻ എത്തിയിരുന്നു. അതേസമയം നവാഗതനായ ജിത്തു അഷ്റഫ് സംവിധാനം ചെയ്യുന്ന ത്രില്ലർ ചിത്രത്തിൽ അഭിനയിക്കുകയാണ് ചാക്കോച്ചൻ. പ്രിയാ മണിയാണ് നായിക. കൊച്ചിയിൽ ചിത്രീകരണം പുരോഗമിക്കുന്ന ചിത്രത്തിന് ഷാഹി കബീർ രചന നിർവഹിക്കുന്നു. ഇതിനുശേഷം ആവേശത്തിന്റെ സംവിധായകൻ ജിതു മാധവന്റെ ചിത്രത്തിൽ അഭിനയിക്കാനാണ് ചാക്കോച്ചൻ ഒരുങ്ങുന്നത്. ജിതു മാധവന്റെ ചിത്രത്തിനുശേഷം രതീഷ് ബാലകൃഷ്ണൻ പൊതുവാളിന്റെ ചിത്രത്തിന്റെ ചിത്രീകരണം ആരംഭിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |