SignIn
Kerala Kaumudi Online
Tuesday, 18 June 2024 4.54 PM IST

ആറ്റിങ്ങൽ ഇരട്ടക്കൊലക്കേസ് ; നിനോ മാത്യുവിന്റെ വധശിക്ഷയിൽ ഇളവ് നൽകാൻ നിർണായകമായത് മി​റ്റി​ഗേ​ഷ​ൻ​ ​റി​പ്പോ​ർ​ട്ട്

d

കൊച്ചി: ആറ്റിങ്ങൽ ഇരട്ടക്കൊലക്കേസിൽ മുഖ്യപ്രതി നിനോ മാത്യുവിന്‍റെ വധശിക്ഷ ജീവപര്യന്തമാക്കി ഇളവ് ചെയ്തുള്ള ഹൈക്കോടതി വിധിയില്‍ നിര്‍ണായകമായത് മിറ്റിഗേഷൻ റിപ്പോര്‍ട്ട്. ഒന്നാം പ്രതി നിനോ മാത്യുവിന്‍റെ ജയിലിലെ മിറ്റിഗേഷൻ റിപ്പോർട്ട് കൂടി പരിഗണിച്ചാണ് കോടതി പ്രതിയുടെ വധശിക്ഷ ജീവപര്യന്തമാക്കിയത്. നിനോ മാത്യു ജയിലിൽ സഹതടവുകാരോട് നന്നായി പെരുമാറുന്നതും ഇയാൾക്ക് നേരത്തെ ക്രിമിനൽ പശ്ചാത്തലം ഇല്ലെന്നതും ഭാവിയിൽ മാനസാന്തരത്തിനുള്ള സാദ്ധ്യതയായി കോടതി കണക്കിലെടുത്തു.

നി​നോ​ ​ജ​യി​ലി​ൽ​ ​അ​നു​സ​ര​ണ​യോ​ടെ​യാ​ണ് ​ക​ഴി​യു​ന്ന​ത്.​ ​ജോ​ലി​ക​ൾ​ ​കൃ​ത്യ​മാ​യി​ ​ചെ​യ്യു​ന്നു.​ ​വൃ​ദ്ധ​മാ​താ​പി​താ​ക്ക​ളും​ ​മ​ക​ളും​ ​ജ​യി​ലി​ൽ​ ​പ​തി​വാ​യി​ ​സ​ന്ദ​ർ​ശി​ക്കു​ന്നു​ണ്ട്.​ ​ഇ​വ​രോ​ട് ​ന​ല്ല​ ​ബ​ന്ധ​മാ​ണ്.​ ​നി​നോ​യ്ക്ക് ​ക്രി​മി​ന​ൽ​ ​പ​ശ്ചാ​ത്ത​ല​മി​ല്ലെ​ന്ന​ ​കാ​ര്യം​ ​പ്ര​ത്യേ​കം​ ​ക​ണ​ക്കി​ലെ​ടു​ക്കു​ക​യാ​ണ്.​ ​ശി​ക്ഷ​ ​ക​ഴി​ഞ്ഞി​റ​ങ്ങി​യാ​ൽ​ ​സ​മൂ​ഹ​വു​മാ​യി​ ​പൊ​രു​ത്ത​പ്പെ​ട്ടു​ ​ജീ​വി​ക്കു​മെ​ന്നാ​ണ് ​കോ​ട​തി​ ​നി​യോ​ഗി​ച്ച​ ​സ​ന്ന​ദ്ധ​സം​ഘ​ട​ന​ ​ത​യാ​റാ​ക്കി​യ​ ​മി​റ്റി​ഗേ​ഷ​ൻ​ ​റി​പ്പോ​ർ​ട്ടി​ൽ​ ​പ​റ​യു​ന്ന​ത്.

ഒ​രു​മി​ക്കു​ക​യെ​ന്ന​ ​ഒ​രേ​ ​ല​ക്ഷ്യ​ത്തോ​ടെ​ ​പ്ര​തി​ക​ളായ നിനോമാത്യുവും അനുശാന്തിയും ​ ​ന​ട​ത്തി​യ​ ​കു​റ്റ​ക​ര​മാ​യ​ ​ഗൂ​ഢാ​ലോ​ച​ന​ ​സം​ശ​യാ​തീ​ത​മാ​യി​ ​തെ​ളി​ഞ്ഞി​ട്ടു​ണ്ടെ​ന്ന് ​കോ​ട​തി​ ​ചൂ​ണ്ടി​ക്കാ​ട്ടി.​ ​ഇ​തി​ലേ​ക്ക് ​സൂ​ച​ന​ ​ന​ൽ​കു​ന്ന​ ​വാ​ട്സാ​പ് ​ചാ​റ്റു​ക​ളും​ ​മ​റ്റും​ ​മൊ​ബൈ​ൽ​ ​ഫോ​ണു​ക​ളി​ൽ​ ​നി​ന്ന് ​ക​ണ്ടെ​ടു​ത്തി​ട്ടു​ണ്ട്.
മോ​ഷ​ണ​ശ്ര​മ​മാ​ണ് ​കൊ​ല​യ്ക്ക് ​പി​ന്നി​ലെ​ന്ന് ​വ​രു​ത്താൻ നി​നോ​ ​മാ​ത്യു​ ​ശ്ര​മി​ച്ചെ​ന്നും​ ​കോ​ട​തി​ ​വി​ല​യി​രു​ത്തി.​ ​സ്വ​സ്തി​ക​യെ​യും​ ​ഓ​മ​ന​യെ​യും​ ​കൊ​ല​പ്പെ​ടു​ത്തി​യ​ശേ​ഷം​ ​ആ​ഭ​ര​ണ​ങ്ങ​ൾ​ ​ക​വ​രു​ക​യും​ ​മു​ള​കു​പൊ​ടി​ ​വി​ത​റു​ക​യും​ ​ചെ​യ്ത​ത് ​ഇ​തി​നാ​യി​രു​ന്നു. അതേസമയം, വധശിക്ഷ ജീവപര്യന്തമാക്കി ഇളവ് ചെയ്തെങ്കിലും ക്രൂരമായ ഇരട്ടക്കൊലപാതകം തെളിഞ്ഞതിനാൽ പ്രതി 25 വർഷം തുടർച്ചയായി ആനുകൂല്യങ്ങൾ ഇല്ലാതെ ജയില്‍ ശിക്ഷ അനുഭവിക്കണം.

2014 ഏപ്രിൽ 16നാണ് ആറ്റിങ്ങലിലെ വീട്ടിൽ കയറി നിനോ മാത്യു മൂന്നരവയസ്സുകാരി സ്വാസ്തികയെയും അറുപത് വയസ്സുള്ള ഓമനയെയും വെട്ടിക്കൊലപ്പെടുത്തിയത്. രണ്ടാം പ്രതി അനുശാന്തിയുടെ അപ്പീൽ തള്ളിയ ഹൈക്കോടതി വിചാരണ കോടതി വിധിച്ച ഇരട്ടജീവപര്യന്തം ശരിവെച്ചു. ജസ്റ്റിസുമാരായ പി.ബി സുരേഷ് കുമാര്‍, ജോണ്‍സണ്‍ ജോണ്‍ എന്നിവരുടെ ബെഞ്ചാണ് ഇരട്ടജീവപര്യന്തം ശരിവെച്ചത്. ഇതിനിടെ ഒന്നാം പ്രതിക്ക് വധശീക്ഷ ഒഴിവാക്കിയതിനെതിരെ സുപ്രീംകോടതിയെ സമീപിക്കുന്നത് സംസ്ഥാന സർക്കാരുമായി ആലോചിച്ച് തീരുമാനിക്കുമെന്ന് പ്രോസിക്യൂഷൻ അഭിഭാഷകൻ അറിയിച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: CASE DIARY, ATTINGAL MURDER, NINO MATHEW
KERALA KAUMUDI EPAPER
TRENDING IN CASE DIARY
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.