SignIn
Kerala Kaumudi Online
Saturday, 27 July 2024 8.49 AM IST

ഇത്രയും ദോഷകരമാണെന്ന് അറിഞ്ഞാൽ നിങ്ങൾ ഒരിക്കലും മെഴുകുതിരി കേക്കിൽ വയ്ക്കില്ല

cake

ന്യൂഡൽഹി: ജന്മദിനത്തിനും മറ്റ് പരിപാടികൾക്കും കേക്ക് മുറിക്കുമ്പോൾ മെഴുകുതിരി കുത്തിവയ്ക്കുന്ന പതിവ് പണ്ടുമുതൽ ഉണ്ട്. എന്നാൽ അടുത്തിടെയായി തീപ്പൊരി വരുന്ന ഒരു തരം മെഴുകുതിരിയും ഇപ്പോൾ മാർക്കറ്റിൽ കിട്ടും. നിരവധി പേരാണ് ഇവ വാങ്ങി കേക്കിൽ വയ്ക്കുന്നത്.

വീഡിയോ എടുക്കുമ്പോഴും ഫോട്ടോ എടുക്കുമ്പോഴുമെല്ലാം വളരെ ഭംഗിയായി കേക്കിന്റെ മുകളിലിരിക്കുന്ന ഇത്തരം മെഴുകുതിരികൾക്കായി കുട്ടികൾ വാശിപിടിക്കാറുണ്ട്. ഇത് 'അനാർ മെഴുകുതിരികൾ' എന്നാണ് അറിയപ്പെടുന്നത്. എന്നാൽ ഇവ ദോഷമാണെന്ന് പറയുന്ന ഒരു വീഡിയോയാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. 'അഷു ഘായ്' എന്ന ഇൻസ്റ്റാഗ്രാം പേജിലാണ് ഇതിന്റെ വീഡിയോ പങ്കുവച്ചിരിക്കുന്നത്.

അനാർ മെഴുകുതിരി ഒരു വെള്ള പേപ്പറിന് മുകളിൽ വച്ച് കത്തിക്കുന്നത് വീഡിയോയിൽ കാണാം. അനാർ മെഴുകുതിരികളിൽ ഇരുമ്പ്, ചെമ്പ്, സിങ്ക്, അലുമിനിയം, മഗ്നീഷ്യം തുടങ്ങിയവയുടെ സംയുക്തങ്ങൾ അടങ്ങിയിട്ടുണ്ട്. ഈ മൂലകങ്ങൾ ഓക്സെെഡുകളായും കാർബണേറ്റുകളായും രൂപാന്തരപ്പെട്ടാണ് മെഴുകുതിരിയിൽ നിന്ന് തീപ്പൊരി വരുന്നത്.

ഇത് ആരോഗ്യത്തിന് ഹനികരമാണ്. പരീക്ഷണത്തിന്റെ അവസാനം ആ വെള്ള പേപ്പറിന് മുകളിൽ കറുത്ത ചില പൊടികൾ കാണാം. കേക്കിൽ വയ്ക്കുമ്പോൾ ഈ കറുത്ത പൊടി കേക്കിൽ വീഴുകയും അവ നാം കഴിക്കുകയും ചെയ്യുന്നുവെന്ന് അഷു ഘായ് വ്യക്തമാക്കി. കേക്കിന് മുകളിൽ ഇത്തരം മെഴുകുതിരി വയ്ക്കുന്നത് ഒഴിവാക്കുകയാണ് നല്ലതെന്ന് അഷു ഘായ് പറയുന്നുണ്ട്.

A post shared by Ashu Ghai (@ashu.ghai)

വീഡിയോ വെെറലായതിന് പിന്നാലെ നിരവധി പേരാണ് ലെെക്കും കമന്റുമായി രംഗത്തെത്തിയത്. തന്റെ ജന്മദിനത്തിന് കേക്കിൽ ഇത് വച്ചിരുന്നുവെന്നും ഇത്രയും ദോഷമാണ് ഇവയെന്ന് അറിഞ്ഞിരുന്നില്ലെന്നും പലരും കമന്റ് ചെയ്തു. നാല് മില്യൺ പേരാണ് ഇതിനോടകം വീഡിയോ കണ്ടത്. ഒരു ലക്ഷത്തോളം ലെെക്കും ലഭിച്ചിട്ടുണ്ട്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, NATIONAL, NATIONAL NEWS, ANAR CANDLES
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.