ന്യൂഡൽഹി: സുരേഷ് ഗോപിയും കങ്കണ റണൗട്ടും ഉൾപ്പെടെ ഇത്തവണ ലോക്‌സഭയിലേക്ക് തിരഞ്ഞെടുക്കപ്പെട്ടത് നിരവധി സിനിമാ സീരിയൽ താരങ്ങളാണ്.

 സുരേഷ് ഗോപി

വൻ വിജയത്തിലാണ് കേരളത്തിൽ നിന്ന് ബി.ജെ.പി താര സ്ഥാനാർത്ഥിയായ സുരേഷ് ഗോപി ലോക്‌സഭയിലേക്കെത്തുന്നത്.

തൃശൂർ മണ്ഡലത്തിൽ 74686 വോട്ടുകളുടെ ഭൂരിപക്ഷത്തിൽ ജയം

 കങ്കണ റണൗട്ട്
ബോളിവുഡ് താരവും ബി.ജെ.പി നേതാവുമായ കങ്കണ ഹിമാചൽ പ്രദേശിലെ മാണ്ഡിയിൽ കോൺഗ്രസ് നേതാവ് വിക്രമാദിത്യ സിംഗിനെ പരാജയപ്പെടുത്തി

 അരുൺ ഗോവിൽ

രാമായണം സീരിയലിൽ ശ്രീരാമനായി വേഷമിട്ട അരുൺ ഗോവിൽ വിജയിച്ചു. ഉത്തർപ്രദേശ് മീററ്റിൽ 10585 വോട്ടുകളുടെ ഭൂരിപക്ഷത്തിലാണ് ജയം

 ഹേമമാലിനി

മഥുരയിൽ നിന്ന് വീണ്ടും ജയിച്ച് നടിയും ബി.ജെ.പി നേതാവുമായ ഹേമമാലിനി. 293407 വോട്ടിന്റെ ഭൂരിപക്ഷം

 ശത്രുഘ്നൻ സിൻഹ

ബംഗാളിൽ അസൻസോൾ മണ്ഡലത്തിൽ തൃണമൂൽ കോൺഗ്രസ് സ്ഥാനാർത്ഥിയായിരുന്ന ശത്രുഘ്നൻ സിൻഹ 59564 വോട്ടിന്റെ ഭൂരിപക്ഷത്തിൽ ജയിച്ചു

 മനോജ് തിവാരി
ഭോജ്പൂരി താരം മനോജ് തിവാരി ബി.ജെ.പി ടിക്കറ്റിൽ

നോർത്ത് ഈസ്റ്റ് ഡൽഹിയിൽ നിന്ന് ജയിച്ചു. കോൺഗ്രസിന്റെ കനയ്യകുമാറിനെ പരാജയപ്പെടുത്തി

 രവി കിഷൻ
ഭോജ്പൂരി നടനായ രവി കിഷൻ ഉത്തർപ്രദേശിലെ ഗോരഖ്പൂർ മണ്ഡലത്തിൽ നിന്ന് വിജയിച്ചു

 ദേവ് അധികാരി

നടൻ ദേവ് അധികാരി തൃണമൂൽ ടിക്കറ്റിൽ ബംഗാളിലെ ഘട്ടൽ മണ്ഡലത്തിൽ ജയിച്ചു. ബംഗാളി നടനായ ഹിരൺ ചാറ്റർജിയായിരുന്നു എതിരാളി

 രചന ബാനർജി

ബംഗാളിൽ താര മണ്ഡലമായ ഹുഗ്ലിയിൽ ജയം. ബംഗാളി നടിമാരായ രചന ബാനർജി തൃണമൂൽ കോൺഗ്രസിന് വേണ്ടിയും ലോക്കറ്റ് ചാറ്റർജി ബി.ജെ.പിക്ക് വേണ്ടിയും മത്സരിച്ചു

 ശതാബ്ദി റോയ്

ബംഗാളി നടിയും മൂന്ന് തവണ തൃണമൂൽ എം.പിയുമായ ശതാബ്ദി റോയ് ബിർഭൂം മണ്ഡലത്തിൽ നിന്ന് വിജയിച്ചു