ദുബായ് : ബൈക്കിടിച്ച് പരിക്കേറ്റ് ചികിത്സയിലിരുന്ന മലയാളി യുവാവ് ദുബായിൽ മരിച്ചു. കാസർകോട് നീലേശ്വരം കണിച്ചിറ സ്വദേശി നാലുപുരപാട്ടിൽ ഷെഫീഖ് (38) ആണ് മരിച്ചത്. റോഡിലൂടെ നടന്നുപോകുകയായിരുന്ന ഷെഫീഖിനെ ബൈക്കിടിക്കുകയായിരുന്നു. ദുബായിലെ ദേരയിൽ നാലുദിവസം മുൻപാണ് അപകടമുണ്ടായത്. ഗുരുതരമായി പരിക്കേറ്റ് ആശുപത്രിയിൽ ചികിത്സയിലായിരുന്നു ഷെഫീഖ് ഇന്നലെയാണ് മരിച്ചത്. പത്തുവർഷമായി ദുബായിൽ കാർ വാഷിംഗ് ചെയ്യുകയായിരുന്നു. ഭാര്യ സീനത്ത്. മകൻ മുഹമ്മദ് ഷഹാൻ. ഓട്ടോഡ്രൈവറും മുൻപ്രവാസിയുമായ റസാഖിന്റെയും താഹിറയുടെയും മകനാണ്. കബറടക്കം ദുബായിൽ നടക്കും
അതേസമയം പ്രവാസി മലയാളിയെ ഒമാനില് മരിച്ച നിലയില് കണ്ടെത്തിയിരുന്നു. തൃശൂർ മാപ്രാണം സ്വദേശിയായ സജീഷിനെ (39 )യാണ് മേയ് 26ന് ജർദ്ധയിൽ മരിച്ച നിലയിൽ കണ്ടെത്തുന്നത്. മൃതദേഹം മസ്കത്തിലെ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ഒറിജിനല് പാസ്പോര്ട്ടില്ലാതിരുന്നതിനാൽ നടപടിക്രമങ്ങള് പൂര്ത്തീകരിക്കാന് കാലതാമസമുണ്ടായി. നടപടി ക്രമങ്ങൾ പൂർത്തീകരിച്ചു വരും ദിവസങ്ങളിൽ മൃതദേഹം നാട്ടിലേക്ക് അയക്കാൻ കഴിയുമെന്ന് പ്രതീക്ഷിക്കുന്നതെന്ന് സൂർ മേഖലയിലെ കൈരളി പ്രവർത്തകരായ പ്രകാശ് തടത്തിൽ, താജുദ്ദീൻ, ജിജോ പികെ, സുരേഷ് എന്നിവർ അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |