കാസർകോട്: സംസ്ഥാന ദുരന്ത നിവാരണ അതോറിറ്റിയുടെ ആഭിമുഖ്യത്തിൽ ജില്ലാ-താലൂക്ക് തലങ്ങളിലെ ഉദ്യോഗസ്ഥർക്ക് ഓൺലൈൻ പരിശീലനം സംഘടിപ്പിച്ചു. കാസർകോട്, കണ്ണൂർ, വയനാട്, കോഴിക്കോട് ജില്ലകളിലെ ഐ.ആർ.എസ് ഉദ്യോഗസ്ഥർക്കാണ് പരിശീലനം സംഘടിപ്പിച്ചത്. കാസർകോട്ടെ ഐ.ആർ.എസ് ഉദ്യോഗസ്ഥർ തദ്ദേശ സ്വയം ഭരണ ജോയിന്റ് ഡയറക്ടർ കാര്യാലയ ഹാളിൽ നടന്ന ഓൺലൈൻ പരിശീലനത്തിൽ പങ്കെടുത്തു എ.ഡി.എം കെ.വി ശ്രുതി, ഡെപ്യൂട്ടി കളക്ടർമാർ, തഹസിൽദാർമാർ, പൊലീസ്,ഫയർ ഫോഴ്സ്, ആരോഗ്യം, തദ്ദേശ സ്വയംഭരണം, ഐ ആൻഡ് പി.ആർ.ഡി തുടങ്ങിയ വകുപ്പുകളിലെ ഉദ്യോഗസ്ഥർ പങ്കെടുത്തു. ദുരന്ത സമയങ്ങളിൽ ദുരന്തത്തിന്റെ വ്യാപ്തി കുറയ്ക്കുന്നതിന്നും ഇൻസിഡന്റ് റെസ്പോൺസ് സിസ്റ്റം ഉദ്യോഗസ്ഥർക്ക് അവരുടെ ഉത്തരവാദിത്തങ്ങൾ കൃത്യമായി നിർവ്വഹിക്കുന്നതിനുമായിരുന്നു പരിശീലനം. സംസ്ഥാന ദുരന്ത നിവാരണ അതോറിറ്റി അസിസ്റ്റന്റ് മാനേജർ സിജി എം. തങ്കച്ചൻ ക്ലാസെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |