മൂവാറ്റുപുഴ: നിർമല കോളേജിന് (ഓട്ടോണോമസ്) കേന്ദ്ര സർക്കാർ 64 ലക്ഷം രൂപ ഗ്രാന്റ് അനുവദിച്ചു. കോളേജിൽ ഗവേഷണത്തിനായി അത്യാധുനിക ഉപകരണങ്ങൾ വാങ്ങാനും നൂതന സാങ്കേതികവിദ്യകൾ സംയോജിതമായി വികസിപ്പിക്കാനുമായി കേന്ദ്ര സയൻസ് ആൻഡ് ടെക്നോളജി വകുപ്പാണ് 64 ലക്ഷം രൂപയുടെ ഗ്രാന്റ് കോളേജിന് അനുവദിച്ചത്. ഗ്രാന്റ് വിദ്യർത്ഥികളുടെ ഇന്റേൺഷിപ്പിനും ഗവേഷണത്തിനും സ്റ്റാർട്ടപ്പുകൾക്കും സഹായകരമാകുമെന്ന് പ്രിൻസിപ്പൽ ഫാ.ഡോ.ജസ്റ്റിൻ കണ്ണാടൻ പറഞ്ഞു. കോളേജിലെ സയൻസ് വിഭാഗങ്ങൾക്കായിരിക്കും ഇതിലൂടെ കൂടുതൽ പ്രയോജനം ലഭിക്കുക. രസതന്ത്ര മേഖലയിലെ കണ്ടുപിടിത്തത്തിന് കഴിഞ്ഞ ദിവസം കോളേജിന് പേറ്റന്റും ലഭിച്ചിരുന്നു. കോളേജ് ഓട്ടോണോമസ് പദവിയിലെത്തിയ ശേഷമുള്ള ആദ്യ ദേശീയ അംഗീകാരം കൂടിയാണ് ഈ നേട്ടം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |