നാഗ് അശ്വിൻ സംവിധാനം ചെയ്യുന്ന കൽക്കി 289 എ ഡി എന്ന ചിത്രത്തിൽ പ്രഭാസിന്റെ അച്ഛൻ വേഷത്തിൽ ദുൽഖർ സൽമാനും അമ്മയായി മൃണാൾ താക്കൂറും എത്തുന്നുവെന്ന് റിപ്പോർട്ട്. സീതാരാമം എന്ന ചിത്രത്തിൽ ദുൽഖറും മൃണാളും ജോഡികളായിരുന്നു. പ്രഭാസ് നായകനാവുന്ന ചിത്രത്തിൽ കമൽഹാസനാണ് പ്രതിനായകൻ. ദുൽഖറും മൃണാളും അതിഥി വേഷത്തിലാണ് എത്തുന്നത്. അമിതാഭ് ബച്ചൻ, ദീപിക പദുകോൺ, ശോഭന, ദിഷ പഠാനി,​പശുപതി, വിജയ് ദേവരകൊണ്ട,​ അന്ന ബെൻ തുടങ്ങി വൻ താര നിര അണിനിരക്കുന്നുണ്ട്. ബി.സി 3101 ലെ മഹാഭാരതത്തിലെ ഇതിഹാസ സംഭവങ്ങളിൽ നിന്ന് തുടങ്ങി 2898 എ ഡി വരെ സംഭവിക്കുന്ന സഹസ്രാബ്ദങ്ങൾ നീണ്ടുനിൽക്കുന്ന യാത്രയാണ് കൽക്കിയുടെ ഇതിവൃത്തം. ജൂൺ 27 ന് റിലീസ് ചെയ്യും.