കൊച്ചി: കേരളാ ആരോഗ്യ സർവകലാശാലയിൽ 2019ൽ പ്രവേശനം നേടിയ ബി.എസ്സി നഴ്സിംഗ് വിദ്യാർത്ഥികളുടെ പ്രൊഫഷണൽ സർട്ടിഫിക്കറ്റ് ലഭിക്കാത്തതിനാൽ നഴ്സിംഗ് കൗൺസിൽ പ്രാഥമിക രജിസ്ട്രേഷന് അപേക്ഷിക്കാൻ സാധിക്കുന്നില്ലെന്ന് വിദ്യാർത്ഥികൾ. അവസാനവർഷ പരീക്ഷാഫലം മേയ് അവസാനവാരം പ്രസിദ്ധീകരിച്ചതാണ്. രജിസ്ട്രേഷൻ നേടിയാൽ മാത്രമേ സ്റ്റാഫ് നഴ്സ്, നഴ്സിംഗ് ഓഫീസർ തസ്തികയിൽ ജോലി ചെയ്യാൻ സാധിക്കൂ. ഒക്ടോബറിൽ പൂർത്തിയാക്കേണ്ട കോഴ്സ് കൊവിഡ് മൂലം ഏഴുമാസം വൈകിയാണ് പൂർത്തീകരിച്ചത്. വിവിധ ഒഴിവുകളിൽ നിയമനം നടക്കുന്ന സാഹചര്യത്തിൽ പ്രൊഫഷണൽ സർട്ടിഫിക്കറ്റുകൾ അടിയന്തരമായി ലഭ്യമാക്കണമെന്ന് സ്റ്റുഡന്റ് നഴ്സസ് അസോസിയേഷൻ ഒഫ് ഇന്ത്യ ചെയർപേഴ്സൺ അമൽ വർഗീസ്, സെക്രട്ടറി നവീന എ.വി എന്നിവർ ആവശ്യപ്പെട്ടു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |