തിരുവനന്തപുരം : പ്ളസ് വൺ പ്രവേശനത്തിന്റെ ആദ്യ സപ്ലിമെന്ററി അലോട്ട്മെന്റ് ഫലം ജൂലായ് എട്ടിന്
രാവിലെ 10 മുതൽ പ്രവേശനം സാദ്ധ്യമാകുന്നവിധം പ്രസിദ്ധീകരിക്കും. സംവരണതത്വം അനുസരിച്ച് നിലവിലുണ്ടായിരുന്ന വേക്കൻസി ജില്ല ഒരു യൂണിറ്റായി പരിഗണിച്ച് വിവിധ കാറ്റഗറി സീറ്റുകളാക്കിയാണ് പരിഗണിച്ചിട്ടുള്ളത്.
ഒന്നാം സപ്ലിമെന്ററി അലോട്ട്മെന്റ് പ്രകാരമുള്ള പ്രവേശനം ജൂലായ് എട്ടിന് രാവിലെ 10 മുതൽ ഒൻപതിന് വൈകിട്ട് നാല് വരെ നടത്തും. അലോട്ട്മെന്റ് വിവരങ്ങൾ https://hscap.kerala.gov.in/ലെ Candidate Login-SWS ലെ Supplementary Allot Results ലിങ്കിലൂടെ ലഭിക്കും. അലോട്ട്മെന്റ് ലഭിച്ചവർ കാൻഡിഡേറ്റ് ലോഗിനിലെ .Supplementary Allot Results എന്ന ലിങ്കിൽ നിന്നും ലഭിക്കുന്ന ലെറ്ററിലെ അലോട്ട്മെന്റ് ലഭിച്ച സ്കൂളിൽ
രക്ഷാകർത്താവിനോടൊപ്പം സർട്ടിഫിക്കറ്റുകളുടെ അസ്സൽ സഹിതം ഹാജരാകണം.
വിദ്യാർത്ഥികൾക്ക് പ്രവേശനത്തിന് ആവശ്യമുള്ള
അലോട്ട്മെന്റ് ലെറ്റർ സ്കൂളിൽ നിന്നും പ്രിന്റെടുത്ത് അഡ്മിഷൻ സമയത്ത് നൽകും. അലോട്ട്മെന്റ് ലഭിക്കുന്നവർ ഫീസടച്ച് സ്ഥിരപ്രവേശനം നേടണം.
......................
മോഡൽ റസിഡൻഷ്യൽ സ്കൂളുകളിലേക്കുള്ള സപ്ലിമെന്ററി അലോട്ട്മെന്റും ഇതോടൊപ്പം പ്രസിദ്ധീകരിക്കും. അലോട്ട്മെന്റ് ലഭിച്ചവർ ഹയർ സെക്കൻഡറി അഡ്മിഷൻ വെബ്സൈറ്റിലെ കാൻഡിഡേറ്റ് ലോഗിനിലെ Supplementary Allot Results ലിങ്കിൽ നിന്നു ലഭിക്കുന്ന ലെറ്ററിലെ സ്കൂളിൽ രക്ഷകർത്താവിനോടൊപ്പം സർട്ടിഫിക്കറ്റുകളുടെ അസ്സൽ സഹിതം ഹാജരാകണം. പ്രവേശനത്തിനാവശ്യമുള്ള അലോട്ട്മെന്റ് ലെറ്റർ സ്കൂളിൽ നിന്നും പ്രിന്റെടുത്ത് അഡ്മിഷൻ സമയത്ത് നൽകും. അലോട്ട്മെന്റ് ലഭിക്കുന്നവർ ജൂലായ് ഒൻപതിന് വൈകിട്ട് നാലിന് മുൻപായി സ്ഥിരപ്രവേശനം നേടണം.
തുടർ അലോട്ട്മെന്റ് വിശദാംശങ്ങൾ ജൂലായ് 12 ന്
പ്രസിദ്ധീകരിക്കും.
ബി.ടെക് എൻ.ആർ.ഐ പ്രവേശനം
തിരുവനന്തപുരം: കോ-ഓപ്പറേറ്റീവ് അക്കാഡമി ഒഫ് പ്രൊഫഷണൽ എജ്യുക്കേഷന്റെ (കേപ്പ്) കീഴിലുള്ള മുട്ടത്തറ, പെരുമൺ, പത്തനാപുരം, പുന്നപ്ര, ആറൻമുള, കിടങ്ങൂർ, വടകര, തലശ്ശേരി, തൃക്കരിപ്പൂർ എൻജിനിയറിംഗ് കോളേജുകളിൽ ബി.ടെക് എൻ.ആർ.ഐ സീറ്റുകളിൽ പ്രവേശനത്തിന് 15വരെ അപേക്ഷിക്കാം. വെബ്സൈറ്റ്- www.capekerala.org
എൻജിനിയർ നിയമനത്തിന് ഇന്റർവ്യൂപരിശീലനം
തിരുവനന്തപുരം:കെ.എസ്.ഇ.ബിയിൽ അസിസ്റ്റന്റ് ഇലക്ട്രിക്കൽ എൻജിനിയർ തസ്തികയിലേക്ക് ജൂലായ് അവസാനം പി.എസ്.സി നടത്തുന്ന ഇന്റർവ്യൂവിൽ പങ്കെടുക്കുന്നവർക്കായി കെ.എസ്.ഇ.ബി എൻജിനിയേഴ്സ് അസോസിയേഷൻ ടെക്നിക്കൽ സെല്ലിന്റെ നേതൃത്വത്തിൽ കോഴിക്കോട്,എറണാകുളം,തിരുവനന്തപുരം എന്നിവിടങ്ങളിൽ സൗജന്യമായി മോക്ക് ഇന്റർവ്യൂ നടത്തും. രജിസ്ട്രേഷന് www.ksebea.in.
കേരള മീഡിയ അക്കാഡമിയിൽ സ്പോട്ട് അഡ്മിഷൻ 11ന്
തിരുവനന്തപുരം: കേരള മീഡിയ അക്കാഡമി ഇൻസ്റ്റിറ്റ്യൂട്ട് ഒഫ് കമ്മ്യൂണിക്കേഷനിലെ ജേണലിസം ആൻഡ് കമ്മ്യൂണിക്കേഷൻ, പബ്ലിക് റിലേഷൻസ് ആൻഡ് അഡ്വർടൈസിംഗ്, ടെലിവിഷൻ ജേണലിസം ബിരുദാനന്തര ഡിപ്ലോമ കോഴ്സുകളിൽ ഏതാനും സീറ്റുകളിലേക്ക് സ്പോട്ട് അഡ്മിഷൻ 11ന് നടത്തും.
എറണാകുളം കാക്കനാട്ടുളള അക്കാഡമി ക്യാമ്പസിൽ രാവിലെ 10 മുതൽ നടക്കുന്ന സ്പോട്ട് അഡ്മിഷന് പങ്കെടുക്കാൻ വിദ്യാഭ്യാസയോഗ്യത തെളിയിക്കുന്നതിനുളള രേഖകൾ സഹിതം എത്തണം. പ്രായപരിധി 28 വയസ്സ്. ബിരുദമാണ് അടിസ്ഥാന യോഗ്യത. ഫോൺ: 04842422275.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |