പീരുമേട് : ചി​കി​ൽസയി​ലി​രി​ക്കെ വീട്ടമ്മ മരിച്ച സംഭവത്തിൽ ദുരൂഹത ആരോപിച്ച് ബന്ധുക്കൾ പൊലീസിൽ പരാതി നൽകി.ഏലപ്പാറ ലക്ഷം വീട്ടി​ൽ മഹേന്ദ്രന്റെ ഭാര്യ ഷൈനി (34)യാണ് മരിച്ചത്. ത്രിവേണി സൂപ്പർ മാർക്കറ്റിലെ ജീവനക്കാരിയായിരുന്നു ഷൈനി ഫിക്സ്‌രോഗത്തെ തുടർന്ന് കോട്ടയം മെഡിക്കൽകോളേജിൽ ചികിത്സയിലി​രി​ക്കെ ബുധനാഴ്ച്ചയാണ് മരിച്ചത്. കഴിഞ്ഞ 20 ദിവസമായി കോട്ടയത്തെ സ്വകാര്യ ആശുപത്രിയിലും തുടർന്ന് കോട്ടയം മെഡിക്കൽകോളജിലും ചികിത്സയിലായിരുന്നു. . വിദേശത്തായിരുന്നു ഷൈനിയുടെ സഹോദരൻ നാട്ടിലെത്തിയശേഷം സംസ്‌കാര ചടങ്ങുകൾക്കായി വീട്ടിലേക്ക് മൃതദേഹംകൊണ്ടുവരുമ്പോഴാണ് സഹോദരനും ബന്ധുക്കളും മരണത്തിൽ ദുരൂഹത ആരോപിച്ച് പൊലീസിൽ പരാതി നൽകിയത്.
തുടർന്ന് സംസ്‌കാര ചടങ്ങുകൾ മാറ്റി. പീരുമേട് താലൂക്ക് ആശുപത്രിയിൽ ഇൻക്വസ്റ്റ് നടത്തിയശേഷം മൃതദേഹം ഇടുക്കി മെഡിക്കൽകോളജിലേക്ക്‌ പോസ്റ്റുമോർട്ടത്തിനായി കൊണ്ടുപോയി. വീട്ടമ്മയും ഭർത്താം തമ്മിൽ അസ്വാരസ്യങ്ങൾ ഉണ്ടായിരുന്നതായി ബന്ധുക്കൾ പൊലീസിൽമോഴി നൽകിയിട്ടുണ്ട്. ഇത് സംബന്ധി​ച്ച് നാട്ടുകാരും പരാതിപ്പെട്ടിരുന്നതായി പൊലീസ് പറഞ്ഞു.