കെഎസ്എഫ്ഇ ചിട്ടിയുള്ളവർക്ക് സുവർണാവസരം, സെപ്‌തംബ‌ർ 30ന് ഉള്ളിൽ പ്രയോജനപ്പെടുത്തണം

തൃശൂർ: കെ.എസ്.എഫ്.ഇ ചിട്ടികളിലും വായ്പകളിലുമുള്ള കുടിശിക ഒറ്റത്തവണ തീർപ്പാക്കാൻ 'ആശ്വാസ് 2024' പദ്ധതി ഇന്ന് മുതൽ നിലവിൽ വരും. സെപ്തംബർ 30 വരെയാണ് കാലയളവ്. റവന്യൂ റിക്കവറി നേരിടുന്നവർക്കും അല്ലാത്തവർക്കും ആനുകൂല്യം ലഭിക്കും. ചിട്ടി കുടിശികക്കാർക്ക് പലിശയിൽ പരമാവധി 50 ശതമാനം വരെയും വായ്പാ കുടിശികക്കാർക്ക് പിഴപ്പലിശയിൽ പരമാവധി 50 ശതമാനം വരെയും നിബന്ധനകൾക്ക് വിധേയമായി ഇളവുണ്ട്. പദ്ധതിക്കാലയളവിൽ ഗഡുക്കളായും കുടിശിക തീർക്കാം. വിശദവിവരങ്ങൾക്ക് റവന്യൂ റിക്കവറിയായവർ ബന്ധപ്പെട്ട എസ്.ഡി.ടി ഓഫീസുകളെയും അല്ലാത്തവർ ബന്ധപ്പെട്ട കെ.എസ്.എഫ്.ഇ ഓഫീസുകളെയും സമീപിക്കണം. വിശദവിവരങ്ങൾക്ക് ഫോൺ: 9447798003, 9446006214.