മലയാളികളുടെ പ്രിയപ്പെട്ട തമിഴ് നടനാണ് ആർ മാധവൻ. സോഷ്യൽ മീഡിയയിൽ സജീവമായ അദ്ദേഹത്തിന്റെ പോസ്റ്റുകൾ വെെറലാണ്. ഇപ്പോഴിതാ തീവ്രമായ വർക്കൗട്ടോ ചികിത്സയോ ഇല്ലാതെ വെറും 21 ദിവസം കൊണ്ട് ശരീരഭാരം കുറച്ചതെങ്ങനെയെന്ന് ആരാധകരുമായി പങ്കുവച്ചിരിക്കുകയാണ് നടൻ. കർശനമായ ഡയറ്റിംഗിലൂടെയും ജീവിതശെെലിയിലൂടെയുമാണ് ശരീരഭാരം കുറച്ചതെന്ന് അദ്ദേഹം പറഞ്ഞു.
'വ്യായാമമോ, സർജറിയോ, ചികിത്സയോ ഇല്ലാതെ ആരോഗ്യകരമായ ഭക്ഷണം മാത്രം കഴിച്ചാണ് ഞാൻ വണ്ണം കുറച്ചത്. ഞാൻ ഭക്ഷണം കഴിക്കുന്ന രീതിയിലും മാറ്റം വരുത്തി. ഭക്ഷണം നല്ലപോലെ ചവച്ച് കഴിക്കാൻ തുടങ്ങി. ഓരോ വായ ഭക്ഷണവും നാൽപത്തിയഞ്ച് മുതൽ അറുപത് തവണ വരെ ചവച്ചു. കൂടുതലും പച്ചക്കറികളാണ് ഡയറ്റിൽ ഉൾപ്പെടുത്തിയത്.
ദിവസവും അതിരാവിലെ നടക്കാൻ പോവുകയും നേരത്തെ കിടന്നുറങ്ങുകയും ചെയ്തു. കൂടാതെ രാത്രി ഭക്ഷണം 6.45 മുൻപ് കഴിക്കുമായിരുന്നു. വെെകുന്നേരം മൂന്ന് മണിക്ക് ശേഷം വേവിക്കാത്ത ആഹാരമൊന്നും കഴിക്കില്ല. കിടക്കാൻ പോകുന്നതിന് 90 മിനിറ്റ് മുമ്പെങ്കിലും സ്ക്രീൻ ടെെം ഒഴിവാക്കും. ശരീരത്തിന് ആവശ്യമായ മികച്ച ആഹാരങ്ങൾ മാത്രമാണ് കഴിച്ചത്' - നടൻ വ്യക്തമാക്കി.
മാധവൻ തന്റെ എക്സ് പേജിൽ ഇത് സംബന്ധിച്ച് വിവരങ്ങൾ പങ്കുവച്ചിട്ടുണ്ട്. 'റോക്കട്രി, ദി നമ്പി എഫക്റ്റ്' എന്ന ചിത്രത്തിന് വേണ്ടി മാധവൻ ശരീര വണ്ണം വർദ്ധിപ്പിച്ചിരുന്നു. ഈ വണ്ണമാണ് 21 ദിവസം കൊണ്ട് കുറച്ചെടുത്തത്. പാനീയങ്ങളും പച്ചക്കറികളും ധാരാളമായി ഡയറ്റിൽ ഉൾപ്പെടുത്തിയെന്നും മാധവൻ പറയുന്നുണ്ട്. മാധവൻ പങ്കുവച്ച വീഡിയോ വലിയ രീതിയിൽ പ്രചരിക്കുന്നുണ്ട്.
Intermittent fasting, heavy chewing of food 45-60 times( drink your food and chew your water) .. last meal at 6.45 pm .( only cooked food -nothing raw AT ALL post 3 pm ) .. early morning long walks and early night deep sleep( no screen time 90 min before bed) … plenty of fluids… https://t.co/CsVL98aGEj
— Ranganathan Madhavan (@ActorMadhavan) July 18, 2024
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |